ପ୍ରଧାନମନ୍ତ୍ରୀଙ୍କ ସଂଗ୍ରହାଳୟକୁ ଭ୍ରମଣ କରିଛନ୍ତି ୧,୧୫,୧୬୧ ପରିଦର୍ଶକ
୨୧ ଏପ୍ରିଲରେ ସର୍ବସାଧାରଣଙ୍କ ପାଇଁ ଖୋଲାଯାଇଥିଲା
ଭୁବନେଶ୍ବର : ନୂଆଦିଲ୍ଲୀର ତିନି ମୂର୍ତ୍ତି ରୋଡସ୍ଥିତ ପ୍ରଧାନମନ୍ତ୍ରୀ ସଂଗ୍ରହାଳୟକୁ ୩୦ ସେପ୍ଟେମ୍ବର ସୁଦ୍ଧା ୧,୧୫,୧୫୧ ପରିଦର୍ଶକ ଭ୍ରମଣ କରିଛନ୍ତି। ଗତ ୧୫ ଅକ୍ଟୋବରରେ ରେକର୍ଡ ସଂଖ୍ୟକ ସର୍ବାଧିକ ୩୨୩୩ ପରିଦର୍ଶକ ପରିଦର୍ଶନ କରିଥିଲେ। ୨୧ ଏପ୍ରିଲ ୨୦୨୨ରେ ସଂଗ୍ରହାଳୟ ସର୍ବସାଧାରଣଙ୍କ ପାଇଁ ଖୋଲାଯାଇଥିଲା। ରାଷ୍ଟ୍ରପତି, ଉପରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ଅର୍ଥମନ୍ତ୍ରୀ ତଥା ଅନ୍ୟାନ୍ୟ କେନ୍ଦ୍ର କ୍ୟାବିନେଟ ମନ୍ତ୍ରୀ, ରାଜ୍ୟ ମୁଖ୍ୟମନ୍ତ୍ରୀ, ଉଚ୍ଚ ନ୍ୟାୟାଳୟର ସଦସ୍ୟ, କୂଟନୀତିଜ୍ଞ ତଥା ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଗଣ ସଂଗ୍ରହାଳୟ ପରିଦର୍ଶନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସଂଗ୍ରହାଳୟ ଭାରତର ସ୍ୱାଧୀନତା ପରବର୍ତ୍ତୀ ଇତିହାସ ଉପରେ ଏକ ବିସ୍ତୃତ ଏବଂ ସନ୍ତୁଳିତ ଦୃଷ୍ଟିକୋଣ ପ୍ରଦର୍ଶନ କରେ। ଅତ୍ୟାଧୁନିକ ଜ୍ଞାନ କୌଶଳ ଏବଂ ଐତିହାସିକ କଳାକୃତିର ସୁସ୍ଥ ମିଶ୍ରଣ ସମସ୍ତଙ୍କୁ ପ୍ରଭାବିତ କରିଛି। ବର୍ଦ୍ଧିତ ବାସ୍ତବତା ଏବଂ ଭର୍ଚୁଆଲ୍ ବାସ୍ତବତାର ବ୍ୟବହାର ଏହାର ଅତ୍ୟାଧୁନିକ ଜ୍ଞାନକୌଶଳ ଭିତ୍ତିକ ବିଷୟବସ୍ତୁର ଏକ ଆକର୍ଷଣୀୟ ଅନୁଭୂତି ଏହା ସୃଷ୍ଟି କରିଛି। ଆମର ସମସ୍ତ ପ୍ରଧାନମନ୍ତ୍ରୀଙ୍କ ନେତୃତ୍ୱ ତଥା ଭୂମିକା କ୍ଷେତ୍ରରେ ଯୁବ ପିଢ଼ିକୁ ଅବଗତ କରିବା ପାଇଁ ଏହା ପ୍ରୟାସ କରିଛି।
ଶିକ୍ଷାନୁଷ୍ଠାନଗୁଡ଼ିକ ସଂଗ୍ରହାଳୟରେ ଛାତ୍ରଛାତ୍ରୀଙ୍କ ପରିଦର୍ଶନ ବ୍ୟବସ୍ଥା କରିଆସୁଛନ୍ତି। ଗତ ଅକ୍ଟୋବର ୧୫ରେ ୧୦ଟି ବିଦ୍ୟାଳୟର ୨୦୪୪ ଛାତ୍ର ପରିଦର୍ଶନ କରିଥିଲେ। ସଂଗ୍ରହାଳୟ କର୍ମଚାରୀଙ୍କ ଦ୍ବାରା ବିଦ୍ୟାଳୟଗୁଡ଼ିକୁ ଗାଇଡ୍ ସହିତ ଟୁର୍ ବ୍ୟବସ୍ଥା ପ୍ରଦାନ କରାଯାଇଥାଏ। ସଂଗ୍ରହାଳୟରେ ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଏକ ନୂତନ ଗ୍ୟାଲେରି ଯୋଡ଼ାଯାଉଛି। ଜାନୁୟାରୀ ୨୦୨୩ରେ ଏହା ସର୍ବସାଧାରଣ ଦେଖିବା ପାଇଁ ସ୍ଥିର କରାଯାଇଛି। ଲାଇଟ୍ ଏବଂ ସାଉଣ୍ଡ୍ ସୋ ମଧ୍ୟ ନଭେମ୍ବର ୨୦୨୨ରେ ଆରମ୍ଭ ହେବା ପାଇଁ ନିର୍ଦ୍ଧାରିତ ହୋଇଛି। ଏହା ସହିତ ଭାରତରେ ମହାକାଶ ଉପରେ ଏକ ଅଧ୍ୟାୟର ଯୋଜନା ମଧ୍ୟ କରାଯାଇଛି।