ପାଟନା: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ନାଲନ୍ଦା ଜିଲ୍ଲାର ତାଙ୍କ ପୈତୃକ ଗ୍ରାମ କଲ୍ୟାଣ ବିଗାହାକୁ ଆସିଥିବାବେଳେ ଗ୍ରାମର ଜଣେ ୧୧ ବର୍ଷୀୟ ବାଳକ ସୋନୁ ତାଙ୍କୁ ପ୍ରଭାବିତ କରିଛି। ମୁଖ୍ୟମନ୍ତ୍ରୀ ତାଙ୍କ ପତ୍ନୀ ମଞ୍ଜୁ ସିହ୍ନାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବାକୁ ଯାଇଥିବାବେଳେ ପିଲାଟି ତାଙ୍କୁ ଭେଟିବାର ସୁଯୋଗ ପାଇଲା। ହାତଯୋଡ଼ି ସୋନୁ କାନ୍ଦ କାନ୍ଦ ହୋଇ କହିଲା, ସାର୍ ମୋ ପାଠପଢ଼ା ପାଇଁ ଆପଣଙ୍କ ସହାୟତା ଲୋଡ଼ା। ମୋ ବାପା ମୋତେ ସାହାଯ୍ୟ କରନ୍ତି ନାହିଁ। ମୁଁ ଏକ ସରକାରୀ ବିଦ୍ୟାଳୟରେ ଅଧ୍ୟୟନ କରୁଛି। ସରକାରୀ ବିଦ୍ୟାଳୟରେ ଶିକ୍ଷାଦାନର ମାନ ଦୟନୀୟ। ମୁଁ ପାଠ ପଢ଼ି ବଡ଼ ଚାକିରି କରିବାକୁ ଚାହୁଁଛି। ବାପା ଦହି ବ୍ୟବସାୟରୁ ଯାହା ଆୟ କରନ୍ତି ସେଥିରେ ମଦ ପିଅନ୍ତି। ଆପଣ ସହଯୋଗ ନକଲେ ମୁଁ ଘରୋଇ ସ୍କୁଲରେ ପାଠ ପଢ଼ି ପାରିବି ନାହିଁ। ସୋନୁଠାରୁ ସବୁ ଶୁଣିବା ପରେ ରାଜ୍ୟରେ ଶିକ୍ଷାର ବିକଳ ଚିତ୍ର ମୁଖ୍ୟମନ୍ତ୍ରୀ ଅନୁଭବ କରିଥିଲେ। ତୁରନ୍ତ ସୋନୁର ପାଠପଢ଼ା ପାଇଁ ସରକାରୀ ସାହାଯ୍ୟ ଯୋଗାଇ ଦେବାକୁ ଅଧିକାରୀଙ୍କୁ ନିର୍ଦ୍ଦେଶ ଦେବା ସହିତ ଶିକ୍ଷାବିଭାଗକୁ ଚେତାଇ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିହାରରେ ଖୁବ୍ଶୀଘ୍ର ଜାତିଭିତ୍ତିକ ଜନଗଣନା
ପାଟନା: ବିହାରରେ ଖୁବ୍ ଶୀଘ୍ର ଜାତିଭିତ୍ତିକ ଜନଗଣନା ଆରମ୍ଭ ହେବ। ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଆଜି ଏହା ଘୋଷଣା କରିଛନ୍ତି। ନୀତୀଶ କହିଛନ୍ତି, ରାଜ୍ୟ ସ୍ତରରେ ଜାତି ଭିତ୍ତିକ ଜନଗଣନା ପାଇଁ ଖୁବ୍ଶୀଘ୍ର କାର୍ଯ୍ୟ ଆରମ୍ଭ ହେବ ଏବଂ ଏନେଇ ଖୁବ୍ଶୀଘ୍ର ସର୍ବଦଳୀୟ ବୈଠକ ଡକାଯିବ। ତେଜସ୍ବୀ ଯାଦବଙ୍କୁ ଏସଂକ୍ରାନ୍ତରେ ଅବଗତ କରାଯାଇଛି ବୋଲି ନୀତୀଶ କହିଛନ୍ତି। ଉଲ୍ଲେଖଯୋଗ୍ୟ ଯେ କେନ୍ଦ୍ର ସରକାର ନିକଟରେ ଜାତୀୟ ସ୍ତରରେ ଜାତି ଭିତ୍ତିକ ଜନଗଣନା ପାଇଁ ଅସାମର୍ଥ୍ୟ ପ୍ରକାଶ କରିବା ପରେ ନୀତୀଶ କୁମାର ଆଜି ଏହି ଘୋଷଣା କରିଛନ୍ତି। ବିହାରରେ ଜାତିଭିତ୍ତିକ ଜନଗଣନାରେ ବିଳମ୍ବ ପାଇଁ ଜେଡିୟୁ – ବିଜେପି ନେତୃତ୍ବାଧୀନ ସରକାରକୁ ସମାଲୋଚନା କରିଥିବା ଆର୍ଜେଡି ନେତା ଗତ ସପ୍ତାହରେ ନୀତୀଶଙ୍କୁ ଭେଟିଥିଲେ। ତେବେ ନୀତୀଶ କହିଛନ୍ତି, ଆଉ ବେଶୀଦିନ ନୁହେଁ। ଖୁବ୍ଶୀଘ୍ର ଏହି ବିଷୟରେ ଏକ ସର୍ବଦଳୀୟ ବୈଠକ ଡକାଯିବ।