ବୋଗଟା : ଲାଟିନ୍‌ ଆମେରିକୀୟ ରାଷ୍ଟ୍ର କଲମ୍ବିଆରେ ଆଜି ଏକ ବିମାନ ଦୁର୍ଘଟଣାରେ ଜଣେ ମେୟର ଓ ତାଙ୍କ ପରିବାର ସମେତ ୧୨ ଜଣଙ୍କର ମୃତ୍ୟୁ ଘଟିଛି। ଆମେରିକା ନିର୍ମିତ ଡଗଲସ ଡିସି-୩ ବିମାନ ସେନ୍‌ଜୋସ୍‌ରୁ ଉଡ଼ାଣ ଆରମ୍ଭ କରିଥିଲା। ବିମାନଟି ଆକାଶରେ ହିଁ ଜଳି ଯାଇଥିଲା ବୋଲି ଜଣାପଡ଼ିଛି। ଇଂଜିନ୍‌ ଖରାପ ହେବାରୁ ବିମାନରେ ନିଆଁ ଲାଗିଯାଇଥିଲା। ଏହି ବିମାନର ଧ୍ବଂସାବଶେଷ ବିଲାବିସ୍ନିଆ ସହର ନିକଟରୁ ମିଳିଛି। ମୃତକଙ୍କ ମଧ୍ୟରେ କଲମ୍ବିଆର ମେୟାର ଡୋରିସ୍‌ ବେଲେଗାସ୍‌ , ତାଙ୍କ ପତ୍ନୀ ଏବଂ ଝିଅ ରହିଛନ୍ତି।