ନୂଆଦିଲ୍ଲୀ : ସରକାର ଓ ଆନ୍ଦୋଳନରତ କୃଷକମାନଙ୍କ ମଧ୍ୟରେ ଆଜି ହୋଇଥିବା ୯ମ ପର୍ଯ୍ୟାୟ କଥାବାର୍ତ୍ତା ୧୨୦ ପ୍ରତିଶତ ବିଫଳ ହୋଇଛି ବୋଲି କୃଷକ ସଂଗଠନଗୁଡ଼ିକ କହିଛନ୍ତି । ସେମାନେ କହିଛନ୍ତି ଯେ ଯେକୌଣସି ମତେ ଜାନୁଆରି ୨୬ରେ ଟ୍ରାକ୍ଟର ଶୋଭାଯାତ୍ରା ଅନୁଷ୍ଠିତ ହେବ ।
Sambad is now on WhatsApp
Join and get latest news updates delivered to you via WhatsApp
କୃଷକ ନେତା ଦର୍ଶନ ପାଲ ସିଂ କହିଛନ୍ତି ଯେ, ଆଜିର ଆଲୋଚନା ବେଳେ ଅତ୍ୟାବଶ୍ୟକ ଆଇନକୁ ସଂପୂର୍ଣ୍ଣ ଉଚ୍ଛେଦ କରିବା ବଦଳରେ ସେଥିରେ କେତେକ ପରିବର୍ତ୍ତନ କରିବାକୁ ପ୍ରସ୍ତାବ ଦିଆଯାଇଥିଲା । କିନ୍ତୁ କୃଷିମନ୍ତ୍ରୀ ଏ ସମ୍ପର୍କରେ କିଛି କହିନଥିଲେ । ଏଣୁ ଜାନୁଆରି ୨୬ରେ ଆମେ ଟ୍ରାକ୍ଟର ଶୋଭାଯାତ୍ରା କରିବୁ ।
ପରବର୍ତ୍ତୀ ପର୍ଯ୍ୟାୟ ଆଲୋଚନା ଆସନ୍ତା ୧୯ ତାରିଖରେ ଅନୁଷ୍ଠିତ ହେବ । ଏହି ଦିନ ସୁପ୍ରିମକୋର୍ଟ ନିଯୁକ୍ତ କମିଟି ବିଭିନ୍ନ ପକ୍ଷଙ୍କ ସହ ପରାମର୍ଶ ଆରମ୍ଭ କରିବ ।
ତେବେ ଏହି କମିଟି ଆଗରେ ହାଜିର ହେବାକୁ କୃଷକମାନେ ମନା କରିଦେଇଛନ୍ତି । କୌଣସି ମଧ୍ୟସ୍ଥିଙ୍କ ବଦଳରେ କେନ୍ଦ୍ର ସହିତ ସିଧାସଳଖ କଥାବାର୍ତ୍ତା କରିବାକୁ ସେମାନେ ଦାବି କରିଛନ୍ତି ।
ଏହି ବୈଠକ ପରେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି ଯେ, ସରକାର ଓ କୃଷକମାନେ ଏହି ସମସ୍ୟାର ସମାଧାନ ଲାଗି କଥାବାର୍ତ୍ତା ଚାଲୁ ରଖିବା ଆବଶ୍ୟକ । ସେ ଆହୁରି ମଧ୍ୟ କହିଛନ୍ତି ଯେ ସରକାର ସୁପ୍ରିମକୋର୍ଟଙ୍କ ଆଦେଶ ମାନିବାକୁ ବଦ୍ଧପରିକର ।