ଆଲିଗଡ଼ : ଉତ୍ତରପ୍ରଦେଶର ଆଲିଗଡ ମୁସଲିମ ବିଶ୍ୱବିଦ୍ୟାଳୟରେ ବ୍ୟାପକ ଛାତ୍ର ଅଶାନ୍ତି ଦେଖାଦେଇଛି । କ୍ୟାମ୍ପସରେ ଦେଶବିରୋଧୀ ସ୍ଲୋଗାନ ଯୋଗୁଁ ୧୪ ଜଣ ଛାତ୍ରଙ୍କ ବିରୋଧରେ ଦେଶଦ୍ରୋହ ମାମଲା ଲଗାଯାଇଛି । ଏମାନଙ୍କ ମଧ୍ୟରେ ଛାତ୍ର ସଂଘ ସଭାପତି ଅନ୍ତର୍ଭୁକ୍ତ ।
ଏହି ବିଶ୍ୱବିଦ୍ୟାଳୟକୁ ଏଆଇଏମଆଇଏମ ନେତା ଅସାଦୁଦ୍ଦିନ ଓେଓ୍ଵସୀଙ୍କ ଗସ୍ତକୁ ସ୍ଥାନୀୟ ବିଜେପି ଯୁବ ମୋର୍ଚ୍ଚାର ସଦସ୍ୟମାନେ ବିରୋଧ କରୁଥିବାରୁ ତାହାକୁ ନେଇ ଛାତ୍ରମାନଙ୍କ ମଧ୍ୟରେ ବିବାଦ ଦେଖାଦେଇଛି । ଅନ୍ୟପକ୍ଷରେ ଗତ ମଙ୍ଗଳବାରଦିନ ରିପବ୍ଲିକ ଟିଭିର ରିପୋର୍ଟର ଓ କ୍ୟାମେରାମ୍ୟାନଙ୍କ ସହ ଛାତ୍ରମାନଙ୍କ ବିବାଦ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ବିମାନ ଅନୁମତିରେ କ୍ୟାମ୍ପସ ମଧ୍ୟରେ ପ୍ରବେଶ କରି ରିପୋର୍ଟର ଫଟୋ ଉତ୍ତୋଳନ କରୁଥିବା ଅଭିଯୋଗ କରି ଛାତ୍ରମାନ ଅଭିଯୋଗ କରିଛନ୍ତି । ଏହାକୁ ନେଇ ବିବାଦ ସୃଷ୍ଟି ହେବା ପରେ ପୁଲିସ ଛାତ୍ରମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଏହାର ବିରୋଧରେ ୟୁନିୟନ ପକ୍ଷରୁ ଶ୍ରେଣୀ ବର୍ଜନ କରାଯାଇଥିଲା । ଅନ୍ୟପକ୍ଷରେ ବିନା ଅନୁମତିରେ ବିଶ୍ୱବିଦ୍ୟାଳୟରେ ପ୍ରବେଶ କରିଥିବାରୁ ବିଶ୍ୱବିଦ୍ୟାଳୟ ପକ୍ଷରୁ ରିପବ୍ଲିକ ବିରୋଧରେ ଅଭିଯୋଗ କରାଯାଇଛି ।