ନୂଆଦିଲ୍ଲୀ : ଗତ ଦୁଇବର୍ଷ ହେଲା ସାରା ବିଶ୍ବକୁ କବଳିତ କରି ରଖିଥିବା କରୋନା ମହାମାରୀ ଲୋକମାନଙ୍କ ମାନସିକ ଅବସ୍ଥାକୁ ଗୁରୁତରଭାବେ ପ୍ରଭାବିତ କରିଛି । ସବୁଠାରୁ ଅଧିକ ମାନସିକ ଆଘାତ ପାଇଛନ୍ତି କିଶୋର ଓ ଯୁବପୀଢି ।
Sambad is now on WhatsApp
Join and get latest news updates delivered to you via WhatsApp
ମାନସିକ ସ୍ବାସ୍ଥ୍ୟ ସମ୍ପର୍କରେ ୟୁନିସେଫ ପକ୍ଷରୁ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ୧୫ରୁ ୨୪ ବର୍ଷ ବୟସ ଶ୍ରେଣୀରେ ଭାରତ ପ୍ରାୟ ୧୪ ପ୍ରତିଶତ ବା ପ୍ରତି ୭ ଜଣରେ ଜଣେ ମାନସିକ ଅବସାଦର ସମ୍ମୁଖୀନ ହେଉଛନ୍ତି । ସେହିପରି ଭାରତର ମାତ୍ର ୪୧ ପ୍ରତିଶତ ଯୁବପୀଢି ମାନସିକ ସ୍ବାସ୍ଥ୍ୟ ପାଇଁ ଡାକ୍ତରଙ୍କ ସହାୟତା ନେବାକୁ ପ୍ରସ୍ତୁତ ଅଛନ୍ତି ।
ଆଜି ଏହି ରିପୋର୍ଟକୁ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ମନସୁଖ ଲାଲ ମାଣ୍ଡଭିଆ ଉନ୍ମୋଚନ କରିଛନ୍ତି । ଏହି ଅବସରରେ ସେ କହିଛନ୍ତି ଯେ ଗୋଟିଏ ସୁସ୍ଥ ଶରୀରରେ ଏକ ସୁସ୍ଥ ମନ ରହିଥାଏ । କିନ୍ତୁ ଆଜିକାଲି ଆମ ସମାଜରେ ନ୍ୟୁକ୍ଲିଅସ ପରିବାର ଗୁଡ଼ିକ ବଢିବା ସହ ଲୋକମାନଙ୍କ ମାନସିକ ସ୍ଥିତି ପ୍ରଭାବିତ ହେଉଛି । ପିତାମାତାମାନେ ସନ୍ତାନମାନଙ୍କ ସହ ଅଧିକ ସମୟ ଦେଉନଥିବାରୁ ସେମାନଙ୍କ ମାନସିକ ଅବସ୍ଥା ପ୍ରଭାବିତ ହେଉଛି । ଏଣୁ ଆମକୁ ମାନସିକ ସ୍ବାସ୍ଥ୍ୟ ଉପରେ ଗୁରୁତ୍ବ ଦେବାକୁ ପଡ଼ିବ ।