ରାଜସ୍ଥାନରେ ଲିଫ୍ଟ ଭୁଶୁଡ଼ିବା ପରେ ଉଦ୍ଧାର ହୋଇ ସାରିଲେଣି ୧୪ ଜଣ, ୩ ଗୁରୁତର

ଝୁନୁଝୁନୁ: ମଙ୍ଗଳବାର ରାତିରେ ରାଜସ୍ଥାନର ଝୁନୁଝୁନୁ ଜିଲ୍ଲାର ହିନ୍ଦୁସ୍ତାନ କପର ଲିମିଟେଡର କୋଲିହାନ ଖଣିରେ ଲିଫ୍ଟ ଖସିଯିବା ପରେ ସଂପୃକ୍ତ ଅଞ୍ଚଳରେ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ଏବେ ସୁଦ୍ଧା କୋଲକାତା ଭିଜିଲାନ୍ସ ଦଳର ସଦସ୍ୟଙ୍କ ସମେତ ଚଉଦ ଜଣଙ୍କୁ ଉଦ୍ଧାର କରାଯାଇଛି। ପ୍ରଥମେ ତିନି ଜଣଙ୍କୁ ଉଦ୍ଧାର କରାଯାଇଥିବା ବେଳେ ତା’ପରେ ଅବଶିଷ୍ଟ ୧୧ ଜଣଙ୍କୁ ଉଦ୍ଧ‌ାର କରାଯାଇଛି।

ରାତାରାତି ଉଦ୍ଧାର କାର୍ଯ୍ୟକୁ ତ୍ବରାନ୍ବିତ କରାଯାଇ କୋଲିହାନ ଖଣିରେ ୫୭୭ ମିଟର ଗଭୀରରେ ଅଟକି ରହିଥିବା କର୍ମଚାରୀଙ୍କୁ ବାହାରକୁ  ଅଣାଯାଇଛି। ଉଦ୍ଧାର ହେବା ପରେ ଗୁରୁତର ଆହତ ତିନି ଜଣଙ୍କୁ ଜୟପୁରର ଏକ ଡାକ୍ତରଖାନା ନିଆଯାଇଥିଲା।
ଝୁନୁଝୁନୁ ସରକାରୀ ଡାକ୍ତରଖାନାର ଡକ୍ଟର ପ୍ରବୀଣ ଶର୍ମା କହିଛନ୍ତି, "ଖଣିରେ ଫସି ରହିଥିବା ସମସ୍ତ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ତିନି ଜଣଙ୍କ ଅବସ୍ଥା ଗୁରୁତର ହୋଇଥିବାରୁ ଜୟପୁରକୁ ପଠାଯାଇଛି।"
ଝୁନୁଝୁନୁ ସରକାରୀ ଡାକ୍ତରଖାନାର ଜଣେ ନର୍ସିଂ କର୍ମଚାରୀ କହିଛନ୍ତି, "କିଛି ଲୋକଙ୍କ ହାତରେ ଓ ଗୋଡ଼ ଫାଟିଯାଇଛନ୍ତି। ସମସ୍ତେ ସୁରକ୍ଷିତ ଅଛନ୍ତି। ତିନି ଜଣ ଗୁରୁତର ଆହତ ହୋଇଛନ୍ତି, ଅବଶିଷ୍ଟ ଲୋକ ସୁରକ୍ଷିତ ଅଛନ୍ତି। ଉଦ୍ଧାର କାର୍ଯ୍ୟ ସିଡ଼ିର ସହାୟତାରେ କରାଯାଇଥିଲା। "

ପ୍ରାଥମିକ ସୂଚନା ଅନୁଯାୟୀ, କମ୍ପାନୀର ବରିଷ୍ଠ ଅଧିକାରୀଙ୍କ ସହ ଭିଜିଲାନ୍ସ ଟିମ୍ ଯାଞ୍ଚ ଲିଫ୍ଟ ଯୋଗେ ତଳକୁ ଓହ୍ଲାଇବା ବେଳେ ଏହି ଘଟଣା ଘଟିଥିଲା। ସେହି ସମୟରେ ପ୍ରାୟ ୧୪ ଜଣ ଅଟକି ଯାଇଥିଲେ ବୋଲି ପୁଲିସ୍‌ ସୂଚନା ଦେଇଛି।