ଜଣଙ୍କ ପାଇଁ ସିଲ ହେଲା ଉତ୍ତରପ୍ରଦେଶର ୧୪ଟି ଗାଁ

ନୂଆଦିଲ୍ଲୀ: ଜଣେ ବ୍ୟକ୍ତିଙ୍କର ସ୍ୱାବ ନମୁନା ରିପୋର୍ଟ ପଜିଟିଭ୍ ଆସିବା ପରେ ଉତ୍ତରପ୍ରଦେଶର ବଦାୟୁଁ ଜିଲ୍ଲା ପ୍ରଶାସନ ୧୪ଟି ଗାଁକୁ ସିଲ କରିଥିବା ଜଣା ପଡିଛି। ଆନ୍ଧ୍ରପ୍ରଦେଶର ଏହି ବ୍ୟକ୍ତି ଭବାନୀପୁରର ଖାଲି ଅଞ୍ଚଳରେ ଥିବା ଏକ ମସଜିଦରେ ରହୁଥିଲେ ବୋଲି ସୂଚନା ମିଳିଛି। ଶନିବାର ଦିନ ତାଙ୍କର ସ୍ୱାବ ନମୁନା ରିପୋର୍ଟ ପଜିଟିଭ୍ ଆସିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି | |

ମିଳିଥିବା ସୂଚନା ଅନୁଯାୟୀ, ସେ ଗତ ମାସରେ ଦିଲ୍ଲୀର ନିଜାମୁଦ୍ଦିନରେ ଥିବା ତବଲିଗି ଜାମାତ କାର୍ଯ୍ୟକ୍ରମରେ ଯୋଗ ଦେଇଥିଲେ। “ବ୍ୟକ୍ତିଙ୍କର ସ୍ୱାବ ନମୁନା ରିପୋର୍ଟ ପଜିଟିଭ୍ ଆସିବା ପରେ ଜିଲ୍ଲା ପ୍ରଶାସନ ସେ ରହୁଥିବା ଗାଁଠାରୁ ତିନି କିଲୋମିଟର ଦୂରତ୍ୱରେ ଥିବା ୧୪ଟି ଗାଁକୁ ସିଲ୍ କରିଛନ୍ତି। ୧୪ଟି ଗାଁକୁ ସଙ୍ଗରୋଧରେ ରଖାଯାଇଥିବା ନେଇ ସୂଚନା ଦେଇଛନ୍ତି ଜିଲ୍ଲା ମାଜିଷ୍ଟ୍ରେଟ୍ କୁମାର ପ୍ରଶାନ୍ତ | ଉତ୍ତରପ୍ରଦେଶର ଆଗ୍ରାରେ ସୋମବାର ଦିନ ଆହୁରି ୩୦ଟି କୋଭିଡ -୧୯ ସଂକ୍ରମିତଙ୍କୁ  ଚିହ୍ନଟ କରାଯାଇଥିବା ବେଳେ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୧୩୪ରେ ପହଞ୍ଚିଛି। ୧୩୪ଟି ମାମଲା ମଧ୍ୟରୁ ଅତି କମରେ ୬୦ଜଣ ଲୋକ ତବଲିଗି ଜାମାତ କାର୍ଯ୍ୟକ୍ରମରେ ଯୋଗ ଦେଇଥିଲେ ବୋଲି ଜିଲ୍ଲା ମାଜିଷ୍ଟ୍ରେଟ ପ୍ରଭାସ ଏନ ସିଂ କହିଛନ୍ତି।

Covid-19 14 villages in Uttar Pradesh sealed because of one man ...
Loksatta

କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରାଳୟର ୱେବସାଇଟ୍ ଅନୁଯାୟୀ, ଉତ୍ତରପ୍ରଦେଶରେ କରୋନାଭାଇରସ୍ ରୋଗର ମୋଟ ସଂଖ୍ୟା ବର୍ତ୍ତମାନ ସୁଦ୍ଧା ୪୮୩ ଥିବାବେଳେ ଏହି ରୋଗ ହେତୁ ପାଞ୍ଚ ଜଣଙ୍କର ମୃତ୍ୟୁ ଘଟିଛି ଏବଂ ୪୬ ଜଣ ଆରୋଗ୍ୟ ହୋଇଛନ୍ତି |

ସମ୍ବନ୍ଧିତ ଖବର