ନକଲି କଲ ସେଣ୍ଟର ଠାବ କଲା ପୁଲିସ, ୧୫ ଜଣ ଗିରଫ

ନୂଆଦିଲ୍ଲୀ: ନୋଏଡା ପୁଲିସ ଆଜି ଏକ ନକଲି କଲ ସେଣ୍ଟରରେ ଚଢ଼ାଉ କରି ଏକ ବଡ଼ ଖୁଲାସା କରିଛି। ଏହି ନକଲି କଲ ସେଣ୍ଟରରେ ଆମେରିକୀୟ ନାଗରିକଙ୍କୁ ପ୍ରତାରଣା କରାଯାଉଥିବାର ଜଣାପଡିଛି |ନୋଏଡାର ସେକ୍ଟର ୫୯ ରେ ଚାଲୁଥିବା ନକଲି କଲ ସେଣ୍ଟରର ମାଲିକଙ୍କ ସମେତ ୧୫ ଅଭିଯୁକ୍ତଙ୍କୁ ଗିରଫ କରାଯାଇଛି। ତିନିଜଣ ମହିଳା ମଧ୍ୟ ଏଥିରେ ଅନ୍ତର୍ଭୁକ୍ତ ଅଛନ୍ତି | ତିନି ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିବାବେଳେ ଏମାନଙ୍କ ନିକଟରୁ ୨୭ଟି ଲାପଟପ୍, ୧୬ଟି ମୋବାଇଲ୍ ଫୋନ୍ ଜବତ କରାଯାଇଛି। ଗିରଫ ଅଭିଯୁକ୍ତମାନେ ଆମେରିକୀୟ ଲୋକଙ୍କୁ ସେମାନଙ୍କ ବ୍ୟାଙ୍କ ଆକାଉଣ୍ଟ ବ୍ଲକ କରିବା ନାମରେ ଠକୁଥିଲେ ।

ପଚରାଉଚରାବେଳେ ଅଭିଯୁକ୍ତମାନେ ପୁଲିସକୁ କହିଥିଲେ ଯେ ପୂର୍ବରୁ ସେମାନେ ମୁମ୍ବାଇରେ ବିଦେଶୀଙ୍କୁ ଟାର୍ଗେଟ କରି ସେମାନଙ୍କଠାରୁ ଟଙ୍କା ଲୁଟି ନେଇଥିଲେ। ବର୍ତ୍ତମାନ ସେମାନେ ନୋଏଡାର ସେକ୍ଟର ୫୯ ରେ ଏକ ନକଲି କଲ ସେଣ୍ଟର ଖୋଲି ଏହି କାମ କରୁଥିଲେ | ପୁଲିସ କହିଛି ଯେ ନୋଏଡା ଠାରେ ଚାଲୁଥିବା ନକଲି କଲ୍ ସେଣ୍ଟରର ମାଲିକ ମୁମ୍ବାଇର ବାସିନ୍ଦା। ତାଙ୍କ ନାମ ନିଖିଲ ରାଣା। ଅଧିକ ସୂଚନା ପାଇଁ ପୋଲିସ ତାଙ୍କୁ ପଚରାଉଚରା କରୁଛି। ଅଭିଯୁକ୍ତଙ୍କଠାରୁ ବାକି ଲୋକଙ୍କ ବିଷୟରେ ପୁଲିସ ପଚରାଉଚରା କରୁଛି। ପୁଲିସର ସୂଚନାନୁସାରେ, ଏହି ସାଇବର ଅପରାଧୀମାନେ ପ୍ରଥମେ ବିଦେଶୀ ନାଗରିକଙ୍କୁ ଟାର୍ଗେଟ କରନ୍ତି। ଏହା ପରେ, ସେମାନେ ତାଙ୍କ ଲାପଟପରେ ପପର୍ ଅପ ମେସେଜ୍ ପଠାଉଥିଲେ ଏବଂ ତା’ପରେ ତାଙ୍କ ଲାପଟପ୍ ହ୍ୟାକ୍ କରି ତା’ପରେ ତାଙ୍କଠାରୁ ଟଙ୍କା ଲୁଟି ନେଉଥିଲେ |