ଚୋରି ହୋଇଯାଇଥିବା କୁକୁରକୁ ଖୋଜିଦେଲେ ମିଳିବ ୩ କୋଟି ଟଙ୍କାରୁ ଅଧିକ ପୁରସ୍କାର
ନୂଆଦିଲ୍ଲୀ: ଚୋରି ହୋଇଯାଇଥିବା କୁକୁରକୁ ଖୋଜିଦେଲେ ମିଳିବ ୩ କୋଟି ଟଙ୍କା ପୁରସ୍କାର | କିଛି ଏଭଳି ଘୋଷଣା ଏବେ କରାଯାଇଛି | ହଲିଉଡ଼ ଅଭିନେତ୍ରୀ ତଥା ପ୍ରସିଦ୍ଧ ଗାୟିକା ଲେଡି ଗାଗାଙ୍କ ଘର ବାହାରେ ଜଣେ ଅଜ୍ଞାତବ୍ୟକ୍ତି ଗାଗାଙ୍କର ଦୁଇଟି କୁକୁରକୁ ଚୋରି କରି ନେଇଯାଇଛି | ଘର ବାହାରେ ଲେଡି ଗାଗାଙ୍କର ଜଣେ କର୍ମଚାରୀ କୁକୁର ଦୁଇଟିକୁ ବୁଲାଉଥିବାବେଳେ ଜଣେ ଦୃବୁର୍ତ୍ତ ଗୁଳିମାଡ କରି ଫ୍ରେଞ୍ଚ ବୁଲଡଗସ ପ୍ରଜାତିର ଦୁଇଟି କୁକୁରକୁ ଚୋରି କରିନେଇଛି |
Sambad is now on WhatsApp
Join and get latest news updates delivered to you via WhatsApp
ଗୁଳି ମାଡ଼ର ଶିକାର ହୋଇଥିବା କର୍ମଚାରୀଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଏବେ ତାଙ୍କ ଅବସ୍ଥା ସ୍ଥିର ରହିଛି | ଆଉ ଏହି ଘଟଣା ପରେ ଲସଏଞ୍ଜେଲସ ପୁଲିସ ପକ୍ଷରୁ କୁହାଯାଇଛି ଯେ ଗତକାଲି ରାତିରେ ଜଣେ ଅଜ୍ଞାତ ବ୍ୟକ୍ତି ଲେଡି ଗାଗାଙ୍କ କର୍ମଚାରୀଙ୍କୁ ଗୁଳି ମାରି ଦୁଇଟି କୁକୁରକୁ ନେଇ ଗାଡ଼ିରେ ଚମ୍ପଟ ମାରିଥିଲା |
ତେବେ ଏହି ଘଟଣାକୁ ନେଇ ଲେଡି ଗାଗା ଘୋଷଣା କରିଛନ୍ତି ଯେ ଯଦି କେହି ଦୁଇଟି ଚୋରି ହୋଇଯାଇଥିବା କୁକୁରକୁ ଆଣିଦେବେ, ତେବେ ତାଙ୍କୁ ପୁରସ୍କାର ରାଶି ଭାବରେ ୫ ଲକ୍ଷ ଡଲାର ବା ୩ କୋଟି ୬୫ ଲକ୍ଷ ଟଙ୍କା ମିଳିବ | ଲେଡି ଗାଗା ବର୍ତମାନ ରୋମରେ ଥିବାବେଳେ ତାଙ୍କର ନୂଆ ଫିଲ୍ମ ପାଇଁ ପ୍ରସ୍ତୁତି ଚଳାଇଛନ୍ତି |