ଜୟପୁର: ଅଜମେରର କୁନ୍ଦନ ନଗରରେ ଚାଲିଥିବା ଦରବାର ଡିଜନିଲାଣ୍ଡରେ ଥିବା ଜୟ ରାଇଡ୍ ଟାୱାର (ଟାଓ୍ବାର ଦୋଳି) ଖସିପଡ଼ିବାରୁ ପ୍ରାୟ ୧୫ ଜଣ ଆହତ ହୋଇଥିବା ଖବର ହସ୍ତଗତ ହୋଇଛି । ଆହତଙ୍କ ମଧ୍ୟରେ କିଛି ଶିଶୁ ଓ ମହିଳା ଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଖବର ପାଇ ପୁଲିସ ପ୍ରଶାସନ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ତୁରନ୍ତ ଜେଏଲଏନ୍ ହସ୍ପିଟାଲରେ ଭର୍ତ୍ତି କରିଥିଲା। ଦୁର୍ଘଟଣା ପରେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ଅଜମେର ବସଷ୍ଟାଣ୍ଡ ଅଞ୍ଚଳର କୁନ୍ଦନ ନଗର ନିକଟରେ ଏକ ପ୍ରଦର୍ଶନୀରେ ଏହି ଜୟ ରାଇଡ୍ ଟାଓ୍ବାର ଲାଗିଥିଲା । ଏହି ଘଟଣା ଜଣାପଡ଼ିବା ପରେ ଜିଲ୍ଲାପାଳ ଅଂଶଦୀପ ଜବାହରଲାଲ ନେହେରୁ ହସ୍ପିଟାଲର ଡାକ୍ତରମାନଙ୍କୁ ସୂଚୀତ କରିବା ସହ ଆହତଙ୍କ ଚିକିତ୍ସା ପାଇଁ ବ୍ୟବସ୍ଥା କରିଥିଲେ ।
अजमेर के कुंदन नगर क्षेत्र में लगे डिजनीलैंड मेले में लगा 50 फीट ऊंचा झुला चैन टूटने गिरा। #Ajmer #rajasthan pic.twitter.com/3JknqchzuW
— Devesh Vyas (@journodevesh8) March 21, 2023
ଗଣମାଧ୍ୟମସହ କଥାବାର୍ତ୍ତା କରି ଜଣେ ସରକାରୀ ଅଧିକାରୀ କହିଛନ୍ତି ଯେ ସ୍ୱିଙ୍ଗ୍ ର ଏକ ଅଂଶ ଭାଙ୍ଗି ଯାଇଥିଲା ଏବଂ ଉଚ୍ଚ ଉଚ୍ଚତାରୁ ଖସି ପଡ଼ିବାରୁ ଦୋଳିରେ ବସିଥିବା ଲୋକମାନେ ଆହତ ହୋଇଥିଲେ। ଆହତଙ୍କ ଚିକିତ୍ସା ଚାଲିଛି। ଘଟଣାର ତଦନ୍ତ କରାଯିବ ବୋଲି ସେ କହିଛନ୍ତି। ଭବିଷ୍ୟତରେ ଯେପରି ଏଭଳି ଘଟଣା ନ ଘଟେ ସେଥିପାଇଁ ପଦକ୍ଷେପ ନିଆଯିବ ବୋଲି ସେ କହିଛନ୍ତି । ତେବେ ଆଶ୍ବସ୍ତିର କଥା ହେଉଛି, ଆହତ ହୋଇଥିବା ସମସ୍ତେ ବିପଦମୁକ୍ତ ଅଛନ୍ତି ।