ଆଫଗାନିସ୍ଥାନରେ ବୋମା ବିସ୍ଫୋରଣ, ୧୫ ଶିଶୁ ମୃତ
କାବୁଲ : ଆଫଗାନିସ୍ଥାନରେ ଆଜି ଆତଙ୍କବାଦୀମାନେ ଏକ ଅତି ଘୃଣ୍ୟ କାଣ୍ଡ ଘଟାଇଛନ୍ତି । ଏକ ଅଟୋରିକ୍ସାରେ ରଖାଯାଇଥିବା ବୋମା ବିସ୍ଫୋରଣ ହେବାରୁ ଅତି କମରେ ୧୫ ଜଣ ଶିଶୁ ନିହତ ହୋଇଛନ୍ତି ଓ ୨୦ ଜଣ ଆହତ ହୋଇଛନ୍ତି । ଆହତଙ୍କ ମଧ୍ୟରେ ଅଧିକାଂଶ ଛୋଟ ପିଲା ଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଫଗାନିସ୍ଥାନର ଆଭ୍ୟନ୍ତରୀଣ ମନ୍ତ୍ରାଳୟର ସୂଚନା ଅନୁସାରେ ଆଦି ସ୍ଥାନୀୟ ସମୟ ଅପରାହ୍ଣ ୨ଟା ବେଳେ କେନ୍ଦ୍ରୀୟ ଗଜନି ରାଜ୍ୟରେ ଏହି ଘଟଣା ଘଟିଛି । ଛୋଟ ପିଲାମାନେ ଏକ ଧାର୍ମିକ ସମାବେଶରେ ଏକତ୍ରିତ ହୋଇଥିଲେ । ଏହି ସମୟରେ ଏକ ଅଟୋ ରିକ୍ସାରେ ରଖାଯାଇଥିବା ବୋମା ବିସ୍ଫୋରଣ ହୋଇଥିଲା । ଫଳରେ ୧୫ ଜଣ ଶିଶୁ ମୃତ୍ୟୁବରଣ କରିଥିଲେ । ପ୍ରତ୍ୟକ୍ଷଦର୍ଶୀଙ୍କ ଅନୁସାରେ ଘଟଣାସ୍ଥଳରେ ଶିଶୁମାନଙ୍କ ମୃତଦେହ ଏଣେତେଣେ ପଡ଼ିଥିବା ଦେଖାଯାଇଥିଲା । ଏହି ଘଟଣା ପାଇଁ ଏପର୍ଯ୍ୟନ୍ତ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି ।
ସୂଚନାଯୋଗ୍ୟ ଯେ ଗଜନି ହେଉଛି ଆଫଗାନିସ୍ଥାନ ଏକ ସବୁଠୁ ହିଂସାପ୍ରବଣ ରାଜ୍ୟ । ଏହି ରାଜ୍ୟର ପ୍ରାୟ ଅଧା ତାଲିବାନ ନିୟନ୍ତ୍ରଣରେ ରହିଛି ।