ଓଡ଼ିଶାରେ ପ୍ରବେଶ କରିଛନ୍ତି ବାଂଲାଦେଶୀ ଆତଙ୍କବାଦୀ ! ପଶ୍ଚିମବଙ୍ଗ ପୁଲିସର ସଂଦେହ
କୋଲକାତା : କୋଲକାତାରୁ ୩ ବାଂଲାଦେଶୀ ଆତଙ୍କବାଦୀଙ୍କୁ ଗିରଫ କରିବା ପରେ ଏକ ବଡ଼ ଧରଣର ଷଡ଼ଯ଼ନ୍ତ୍ରର ସୁରାକ ପାଇଛି ପଶ୍ଚିମବଙ୍ଗ ପୁଲିସର ସ୍ବତନ୍ତ୍ର ଟାସ୍କ ଫୋର୍ସ ବା ଏସଚିଏଫ । ପ୍ରାୟ ୧୫ ଜଣ ବାଂଲାଦେଶୀ ଆତଙ୍କବାଦୀ ଭାରତରେ ଅନୁପ୍ରବେଶ କରି ଓଡ଼ିଶା,ପଶ୍ଚିମବଙ୍ଗ ସମେତ ଆଉ କେତେକ ରାଜ୍ୟକୁ ଯାଇଥିବା ଏସଚିଏଫ କହିଛି ।
Sambad is now on WhatsApp
Join and get latest news updates delivered to you via WhatsApp
ଗିରଫ ଆତଙ୍କବାଦୀମାନଙ୍କୁ ଜେରା କରିବା ପରେ ଜଣାପଡ଼ିଛି ଯେ ଚଳିତ ବର୍ଷ ଆରମ୍ଭରେ ବାଂଲାଦେଶର ଆତଙ୍କବାଦୀ ସଂଗଠନ ଜମାଏତ ଉଲ ମୁଜାହିଦ୍ଦିନ ବାଂଲାଦେଶର (ଜେଏମବି)ର ପ୍ରାୟ ୧୫ ଜଣ ସଦସ୍ୟ ପଶ୍ଚିମବଙ୍ଗ ଦେଇ ଭାରତରେ ପ୍ରବେଶ କରିଛନ୍ତି । ସେମାନଙ୍କ ମଧ୍ୟରୁ ୫ ଜଣ ପଶ୍ଚିମବଙ୍ଗରେ ରହିଥିବାବେଳେ ୧୦ ଜଣ ଭାରତର ଆଉ କେତେକ ରାଜ୍ୟ ଓ କେନ୍ଦ୍ର ଶାସିତ ଅଂଚଳ ଯେପରିକି ଓଡ଼ିଶା, ବିହାର, ଜମ୍ମୁ ଓ କଶ୍ମୀର ଯାଇଥିବା ସଂଦେହ କରାଯାଉଛି ।
କୋଲକାତାରୁ ଗିରଫ ୩ ଜଣ ଆତଙ୍କବାଦୀ ହେଲେ ନଜିଉର ରେହେମାନ, ରବିଉଲ ଇସଲାମ ଓ ସବିର । ଭାରତରେ ଅନୁପ୍ରବେଶ କରିବା ପରେ ସେମାନେ ଫଳ ଓ ମଶାରି ଆଦି ବିକ୍ରି କରୁଥିଲେ । ତେବେ ପଶ୍ଚିମବଙ୍ଗରେ ଥିବା ଆଉ ଦୁଇ ଆତଙ୍କବାଦୀ ସେକ ସକିଲ ଓ ସଲିମ ମୁନସୀକୁ ଧରିବାକୁ ଉଦ୍ୟମ କରାଯାଉଛି ବୋଲି ଏସଟିଏଫ କହିଛି ।