ଡେରାଡୁନ୍: ଆଜି ସକାଳେ ଉତ୍ତରାଖଣ୍ଡର ତିହ୍ରି ଜିଲ୍ଲାରେ ଏକ ବସ୍ ଦୁର୍ଘଟଣାରେ ଅନ୍ୟୂନ ୧୬ ଜଣ ଲୋକ ନିହତ ହେବା ସହ ଅନ୍ୟ ୯ ଯାତ୍ରୀ ଗୁରୁତର ଆହତ ହୋଇଥିବା ଖବର ମିଳିଛି।
Sambad is now on WhatsApp
Join and get latest news updates delivered to you via WhatsApp
ସୂର୍ଯ୍ୟ୍ୟଧାର ନିକଟରେ ୨୫୦ ମିଟର ଗଭୀର ଖାତ ଭିତରକୁ ଉତ୍ତରାଖଣ୍ଡ ଟ୍ରାନ୍ସପାର୍ଟ କର୍ପୋରେସନ୍ର ବସ୍ଟି ଖସି ପଡ଼ିଥିଲା।
ବସ୍ରେ ୨୫ ଜଣ ଯାତ୍ରୀ ଉତ୍ତରକାଶୀରୁ ହରିଦ୍ୱାର ଯାଉଥିଲେ। ଋଷିକେଶ ଓ ଗଙ୍ଗୋତ୍ରି ରାଜପଥରେ ଯାଉଥିବା ବେଳେ ବସଟି ଭାରସାମ୍ୟ ହରାଇ ଖାତ ଭିତରକୁ ଖସି ପଡ଼ିଥିଲା। ଦୁର୍ଘଟଣା ପରେ ଘଟଣାସ୍ଥଳରେ ସ୍ଥାନୀୟ ପ୍ରଶାସନ ଓ ପୁଲିସ ପହଞ୍ଚିଛନ୍ତି।
ଆହତଙ୍କୁ ଋଷିକେଶ ଠାରେ ଥିବା ଏମ୍ସ୍ ହସ୍ପିଟାଲ୍କୁ ନେବା ପାଇଁ ହେଲିକାପ୍ଟର୍ ଯୋଗାଇ ଦେବାକୁ ରାଜ୍ୟ ସରକାର ନିର୍ଦେଶ ଦେଇଛନ୍ତି।
ପ୍ରତ୍ୟେକ ମୃତବ୍ୟକ୍ତିଙ୍କ ପରିବାର ଲୋକଙ୍କ ପାଇଁ ରାଜ୍ୟ ସରକାର ୨ ଲକ୍ଷ ଟଙ୍କାର ଅନୁକମ୍ପାମୂଳକ ରାଶି ଘୋଷଣା କରିଛନ୍ତି। ଆହତମାନଙ୍କୁ ମଧ୍ୟ ୫୦ ହଜାର ଟଙ୍କା ଲେଖାଏଁ ଚିକିତ୍ସା ବାବଦ ଖର୍ଚ ମିଳିବ। ଘଟଣାର ଏକ ମାଜିଷ୍ଟେରିଆଲ୍ ତଦନ୍ତ ପାଇଁ ଆଦେଶ ଦିଆଯାଇଛି।