ତାମିଲନାଡୁ ବର୍ଷା: କୋଠା ଭୁଶୁଡ଼ି ୧୭ ମୃତ
କୋଏମ୍ବାଟୁର: ତାମିଲ୍ନାଡୁର ବର୍ଷା ଏବେ ଅନେକ ଲୋକଙ୍କ ଦୁଃଖର କାରଣ ବନିଛି। ବର୍ଷା ହେତୁ ମିତୁପଲାୟମର ନାଦୁର ଗ୍ରାମରେ ୩ଟି କୋଠା ଭୁଶୁଡ଼ି ପଡ଼ିବାରୁ ୧୭ ଲୋକଙ୍କ ଜୀବନ ଯାଇଛି। ମୃତକମାନଙ୍କ ମଧ୍ୟରେ ୧୦ ଜଣ ମହିଳା ଓ ୫ ପୁରୁଷ ଥିବା ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ପୁଲିସ୍ ଓ ଅଗ୍ନିଶମ କମର୍ଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି। ଭଗ୍ନ କୋଠା ତଳେ ଆହୁରି ଅନେକ ଚାପି ହୋଇ ରହିଥାଇପାରନ୍ତି ବୋଲି ସନ୍ଦେହ କରାଯାଉଛି।
Coimbatore District: #TamilNadu Government announces compensation of Rs 4 lakhs each to families of those who have lost their lives in wall collapse in Mettupalayam. #Tamilnadurains https://t.co/pc73gJU5De
— ANI (@ANI) December 2, 2019
ମୃତଶରୀର ଉଦ୍ଧାର କରାଯିବା ପରେ ମିତୁପଲାୟମ ସରକାରୀ ହସ୍ପିଟାଲ୍କୁ ବ୍ୟବଚ୍ଛେଦ ପାଇଁ ପଠାଯାଇଛି। ଉଲ୍ଲେଖଯୋଗ୍ୟ, ସୋମବାର ଓ ମଙ୍ଗଳବାର ସହରରେ ପ୍ରବଳରୁ ଅତିପ୍ରବଳ ବର୍ଷା ହେବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଥିଲା।
ମୃତକମାନଙ୍କ ପରିବାରକୁ ମୁଖ୍ୟମନ୍ତ୍ରୀ ପଲ୍ଲାନିସ୍ବାମୀ ୪ ଲକ୍ଷ ଟଙ୍କା ଲେଖାଏ ଅନୁକମ୍ପାମୂଳକ ରାଶି ଦେବାକୁ ଘୋଷଣା କରିଛନ୍ତି। ଆସନ୍ତାକାଲି ସେ ମିତୁପଲାୟମ ଗସ୍ତ କରି କ୍ଷୟକ୍ଷତି ଆକଳନ କରିବେ ବୋଲି ସୂଚନା ରହିଛି।