ଜମ୍ମୁ ବସ୍ ଷ୍ଟାଣ୍ଡ୍ରେ ଗ୍ରେନେଡ୍ ବିସ୍ଫୋରଣ ଘଟଣା : ବିସ୍ଫୋରଣର ମୃତ୍ୟୁମୁଖରେ ପଡ଼ିଥିବା ୧୭ବର୍ଷୀୟ ବାଳକ ଦିନକ ପୂର୍ବରୁ ସିଲେଇ ଶିଖିବାକୁ ଜମ୍ମୁ ଆସିଥିଲେ
ଶ୍ରୀନଗର : ଗୁରୁବାର ଜମ୍ମୁ ବସ୍ ଷ୍ଟାଣ୍ଡ୍ରେ ଗ୍ରେନେଡ୍ ବିସ୍ଫୋରଣ ହୋଇଥିଲା । ଯେଉଁଥିରେ ଜଣେ ପ୍ରାଣ ହରାଇବା ସହ ଅନ୍ୟ ୩୨ଜଣ ଲୋକ ଆହତ ହୋଇଥିଲେ । ତେବେ ଶୁକ୍ରବାର ଏହି ବିସ୍ଫୋରଣରେ ମୃତ୍ୟୁ ସଂଖ୍ୟା ଦୁଇକୁ ଛୁଇଁଛି । ଶୁକ୍ରବାର ସକାଳେ ଅନନ୍ତନାଗ ଜିଲ୍ଲାରୁ ଆସିଥିବା ମହମ୍ମଦ ରିଆଜ୍ ଜମ୍ମୁର ସରକାରୀ ଡ଼ାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଥିବା ଜଣା ପଡ଼ିଛି । ମହମ୍ମଦଙ୍କ ପୂର୍ବରୁ ୧୭ବର୍ଷୀୟ ମହମ୍ମଦ ଶରିକ୍ ବିସ୍ଫୋରଣ ଦିନ ଘଟଣାସ୍ଥଳରେ ପ୍ରାଣ ହରାଇଥିଲେ । ଶରିକ୍ ଗୋଟେ ଦିନ ପୂର୍ବରୁ ଉତ୍ତରାଖଣ୍ଡରୁ ଜମ୍ମୁକୁ ସିଲେଇ ଶିଖିବା ପାଇଁ ଆସିଥିଲେ ବୋଲି ଜଣା ପଡ଼ିଛି । ପରିବାରର ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାରୁ ଶରିକ୍ ଜମ୍ମୁରେ ଆସି ପହଞ୍ଚିଥିଲେ ।
Sambad is now on WhatsApp
Join and get latest news updates delivered to you via WhatsApp
ପରିବାର ଲୋକଙ୍କ କହିବା ଅନୁଯାୟୀ, ଶରିକ୍ ଜମ୍ମୁକୁ ଜଣେ ସଂପର୍କୀୟଙ୍କୁ ଦେଖା କରିବା ପାଇଁ ଯାଇଥିବା ବେଳେ ସେଠାରେ ରହି ସିଲେଇ ଶିଖିବେ ବୋଲି କହିଥିଲେ । କିନ୍ତୁ ଦିନକ ତା’ର ମୃତ୍ୟୁର ଖବର ଆମ ପାଖରେ ପହଞ୍ଚିଥିଲା । ଅନ୍ୟ ପକ୍ଷରେ, ପୁଲିସ ବିସ୍ଫୋରଣ ପାଇଁ ଦାୟୀ ବୋଲି ଦର୍ଶାଇ ଏକ ୧୬ବର୍ଷୀୟ ନାବାଳକୁ ଗିରଫ କରିଥିବା ଜଣାପଡ଼ିଛି । ଅଭିଯୁକ୍ତର ନାଁ ୟାର୍ସିି ଭଟ୍ଟ ବୋଲି ଚିହ୍ନଟ କରିଛି ପୁଲିସ । ଗିରଫ ହେବା ପରେ ମାତ୍ର ୫୦ହଜାର ଟଙ୍କା ପାଇଁ ୟାର୍ସି ଏଭଳି କାମ କରିଥିବା ସ୍ୱୀକାର କରିଛନ୍ତି ।