ନୂଆଦିଲ୍ଲୀ : ବାଲାକୋଟ ସଂପର୍କରେ ପାକିସ୍ତାନୀ ମିଛର ପର୍ଦ୍ଦାଫାସ କରିଛନ୍ତି ଇଟାଲୀର ଜଣେ ସାମ୍ବାଦିକା । ଭାରତୀୟ ବାୟୁସେନା ପକ୍ଷରୁ ଗତ ଫେବ୍ରୁଆରୀ ମାସରେ ପାକିସ୍ତାନର ବାଲାକୋଟରେ କରାଯାଇଥିବା ଏୟାରଷ୍ଟ୍ରାଇକରେ ମୋଟ ୧୭୦ ଜଣ ଜୈଶ-ଇ-ମହମ୍ମଦ ଆତଙ୍କବାଦୀ ମରିଥିଲେ ବୋଲି ଇଟାଲୀର ଏହି ସାମ୍ବାଦିକା ଫ୍ରାନସିସକା ମାରିନୋ କହିଛନ୍ତି । ଏହି ଆତଙ୍କବାଦୀ ଓ ସେଠାରେ ଥିବା ସେମାନଙ୍କର ସହାୟକମାନଙ୍କୁ ମିଶାଇଲେ ଏହି ସଂଖା ଅଧିକ ହେବ ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏହି ଆକ୍ରମଣରେ ଆହତ ହୋଇଥିବା ୪୫ ଆତଙ୍କବାଦୀ ଏବେ ମଧ୍ୟ ଚିକିତ୍ସିତ ହେଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିଜର ଏକ ରିପୋର୍ଟରେ ସେ ଆହୁରି ମଧ୍ୟ କହିଛନ୍ତି ଫେବ୍ରୁଆରୀ ୨୬ ରାତି ପ୍ରାୟ ୩ରୁ ୪ଟା ମଧ୍ୟରେ ଏହି ଆକ୍ରମଣ ହେବାର ପ୍ରାୟ ଅଢେଇ ଘଣ୍ଟାପରେ ପାକିସ୍ତାନୀ ସେନାର ଏକ ୟୁନିଟ ଘଟଣାସ୍ଥଳରେ ପହଞ୍ଚିଥିଲା । ସେଠାରୁ ତୁରନ୍ତ ଶବ ସ୍ଥାନାନ୍ତର କରାଯିବା ସହ ଆହତମାନଙ୍କୁ ସିନକାରୀ ସ୍ଥିତ ହରକର-ଉଲ-ମୁଜାହିଦ୍ଦିନ ଶିବିରକୁ ପଠାଯାଇଥିଲା । ସେଠାରେ ପାକ ସେନା ଡାକ୍ତରମାନେ ସେମାନଙ୍କୁ ଚିକିତ୍ସା କରିଥିଲେ ।
ପୁଲଓ୍ଵାମା ଆକ୍ରମଣର ପ୍ରତିଶୋଧ ନେବା ପାଇଁ ମାସେ ପୂର୍ବରୁ ଭାରତୀୟ ବାୟୁସେନା ପାକିସ୍ତାନର ବାଲାକୋଟରେ ଏୟାର ଷ୍ଟ୍ରାଇକ୍ କରିଥିଲା । ଏହି ଏୟାର ଷ୍ଟ୍ରାଇକ୍ରେ ଜୈସ-ଇ-ମହମ୍ମଦର ୩୦୦ ଆତଙ୍କବାଦୀ ନିହତ ହୋଇଥିବା ନେଇ ଭାରତ ଦାବି କରୁଥିବା ବେଳେ ପାକିସ୍ତାନ ଏହାକୁ ମିଛ ବୋଲି କହି ଆସୁଥିଲା ।