ଗିନିଜ୍ ରେକର୍ଡ ପାଇଁ ୯ ଘଣ୍ଟା ଧରି ପାଦରେ ଚିତ୍ର ଆଙ୍କିଲେ ଯୁବତୀ
ହାଇଦ୍ରାବାଦ୍ : ହାଇଦ୍ରାବାଦ୍ରେ ରହୁଥିବା ଜାହ୍ନବୀ ମଗନ୍ତୀ ନାମକ ୧୮ ବର୍ଷିୟ ଯୁବତୀ ନିଜ ପାଦରେ ଚିତ୍ର ଆଙ୍କି ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛନ୍ତି । ଗିନିଜ୍ ବୁକ୍ ଅଫ୍ ଓ୍ଵାର୍ଲଡ ରେକର୍ଡ଼ରେ ସ୍ଥାନ ପାଇବା ପାଇଁ ଯୁବତୀ ଜଣଙ୍କ ୧୪୦ ବର୍ଗ ମିଟର ଆକାରର ଏକ ଗୋଲାପ ଫୁଲ ଆଙ୍କି ପୂର୍ବରୁ ଏ ବର୍ଗରେ ଥିବା ୧୦୦ବର୍ଗ ମିଟର ରେକର୍ଡ଼ ଭାଙ୍ଗିବାକୁ ଚେଷ୍ଟା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
‘ମୁଁ ଏବେ ୟୁନାଇଟେଡ଼ କିଙ୍ଗ୍ଡମ୍ରେ ବାଣିଜ୍ୟ ଏବଂ ଅର୍ଥନୀତି ପାଠ ପଢ଼ୁଛି । ପିଲା ବେଳୁ ମୋତେ ନାଚିବା ଏବଂ ଚିତ୍ର ଆଙ୍କିବାର ଇଚ୍ଛା ରହି ଆସିଛି । ମୋର ଏହି ଇଚ୍ଛାକୁ ମୋ ମାତା-ପିତା ସମର୍ଥନ ଦେବା ସହ ସବୁବେଳେ ଅଧିକ ଭଲ କରିବା ପାଇଁ ଉତ୍ସାହିତ କରିଥାନ୍ତି । କିଛି ଦିନ ପୂର୍ବରୁ ହଠାତ୍ ମୋତେ ନାଚ ଏବଂ ଚିତ୍ରକୁ ମିଶାଇ କିଛି କରିବାର ଉପାୟ ମନକୁ ଆସିଲା । ଏହା ପରେ ମୁଁ ଏହାର ଏକ ଭିଡ଼ିଓ ତିଆରି କଲି ।’
ଏହି ଭିଡ଼ିଓ ତିଆରି କରିବା ପାଇଁ ମୋ ମାତା ପିତା ମୋତେ ସାହାଯ୍ୟ କରିଥିବା ବେଳେ ୧୪୦ବର୍ଗ ମିଟରର ଏହି ଚିତ୍ରକୁ ବନେଇବାକୁ ମୋତେ ପ୍ରାୟ ୯ଘଣ୍ଟା ସମୟ ଲାଗିଥିଲା । ଏଥି ପାଇଁ ମୁଁ ମୋ ମାତାପିତାଙ୍କୁ ଧନ୍ୟବାଦ ଜଣାଇବି । ସେମାନଙ୍କର ସମର୍ଥନ ପାଇଁ ମୁଁ ଆଜି ଏହାକୁ ସମ୍ଭବ କରି ପାରିଛି ବୋଲି କହି ମଗନ୍ତୀ ନିଜର ଖୁସି ଜାହିର କରିଥିଲେ ।