ଟିକାର ଗୋଟେ ଡୋଜ୍ ୯୬.୬% କରୋନା ମୃତ୍ୟୁକୁ ରୋକିଥାଏ: ସ୍ବାସ୍ଥ୍ୟ ମନ୍ତ୍ରାଳୟ
ନୂଆଦିଲ୍ଲୀ: କରୋନା ଭୂତାଣକୁ ହରାଇବା ପାଇଁ ଏବେ ବିଶ୍ବରେ ଟିକାକରଣ ଚାଲିଛି। ସଂକ୍ରମଣକୁ ରୋକିବା ସହ କରୋନାଜନିତ ମୃତ୍ୟୁକୁ ରୋକିବା ପାଇଁ ଭାରତ ସରକାର ଟିକାକରଣକୁ ତ୍ବରାନ୍ବିତ କରିଛନ୍ତି। ଏବେ ଭାରତରେ ଅଧାରୁ ଅଧିକ ଲୋକଙ୍କୁ ଟିକା ଦିଆଯାଇସାରିଥିବା ବେଳେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏକ ବଡ଼ ବୟାନ ଆସିଛି।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, କରୋନା ଟିକାର ପ୍ରଥମ ଡୋଜ ୯୬.୬% କରୋନା ମୃତ୍ୟୁକୁ ରୋକିବା ସହ ୨ଟି ଡୋଜ ୯୭.୫% କରୋନା ମୃତ୍ୟୁକୁ ରୋକୁୁଛି। କରୋନାର ଦ୍ବିତୀୟ ଲହରରେ ମୃତ୍ୟୁବରଣ କରିଥିବା ପ୍ରାୟ ଲୋକ ଟିକା ନେଇନଥିବା ଦେଖାଯାଇଛି। ଯେଉଁମାନେ ଟିକା ନେଇଛନ୍ତି ସେମାନଙ୍କୁ କରୋନା ହୋଇଥିଲେ ମଧ୍ୟ ମୃତ୍ୟୁସଂଖ୍ୟା କମ ରହିଛି। ଭୂତାଣୁ ବିରୋଧରେ ଟିକାକରଣ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ।
ଏହା ସହ ଆହୁରି ମଧ୍ୟ କୁହାଯାଇଛି ଯେ, କରୋନା ଟିକା ଏବେ ଉପଲବ୍ଧ ରହିଛି। ଆମେ ଲୋକଙ୍କୁ ଟିକାକରଣ ପାଇଁ ଅନୁରୋଧ କରୁଛୁ। ପ୍ରଥମ ଡୋଜ ପରେ ହିଁ ଲୋକମାନେ ଦ୍ୱିତୀୟ ଡୋଜ ପାଇପାରିବେ | କୋଭିଡକୁ ହରାଇବା ପାଇଁ ଏହା ଏକମାତ୍ର ବାଟ।