ଝାନ୍ସୀରେ ପଙ୍ଗପାଳଙ୍କ ଉତ୍ପାତ: ଆଜି ରାତିରେ ୩କିଲୋମିଟର ଲମ୍ବ ପଙ୍ଗପାଳଙ୍କ ଉପରେ କୀଟନାଶକ ଔଷଧ ସ୍ପ୍ରେ କରିବ ପ୍ରସାଶନ
ଝାନ୍ସୀ: ଏବେ ସାରା ଦେଶ କରୋନା ଭଳି ମହାମାରୀ ସହ ଲଢ଼ୁଥିବା ବେଳେ ବିଭିନ୍ନ ରାଜ୍ୟକୁ ପ୍ରାକୃତିକ ବିପର୍ଯୟ ସହ ଲଢ଼ିବାକୁ ପଡୁଛି | କିଛି ଦିନ ତଳେ ବାତ୍ୟା‘ ଅମ୍ଫାନ’ ଓଡିଶା ଓ ପଶ୍ଚିମବଙ୍ଗରେ ତାଣ୍ଡବ ରଚିଥିଲା | ଯାହାଫଳରେ ଅନେକ ଧନଜୀବନ ନଷ୍ଟ ହୋଇଥିଲା | ଏବେ ଉତ୍ତରପ୍ରଦେଶର ଝାନ୍ସୀ ଜିଲ୍ଲାରେ ପଙ୍ଗପାଳ(ଫସଲ ଏବଂ ଉଦ୍ଭିଦକୁ ନଷ୍ଟ କରୁଥିବା କୀଟ )ମାନେ ଚିନ୍ତା ବଢ଼ାଇଥିବା ନେଇ ଖବର ମିଳିଛି | ପଙ୍ଗପାଳଙ୍କ ଗତିବିଧି ବଢ଼ୁଥିବା ଦେଖି ଝାନ୍ସୀ ଜିଲ୍ଲା ପ୍ରଶାସନ ରାସାୟନିକ ପଦାର୍ଥ ସହିତ ଏକ ଗାଡି ପ୍ରସ୍ତୁତ ରଖିବା ପାଇଁ ଅଗ୍ନିଶମ ବାହିନୀକୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ପରିପ୍ରେକ୍ଷୀରେ ଏକ ବୈଠକର ଅଧ୍ୟକ୍ଷତା କରିଥିବା ଜିଲ୍ଲା ମାଜିଷ୍ଟ୍ରେଟ୍ ଆଣ୍ଡ୍ରା ଭାମସି କହିଛନ୍ତି, “ସାଧାରଣ ଜନତାଙ୍କ ସହ ଗ୍ରାମବାସୀଙ୍କୁ ଏହି ଆନ୍ଦୋଳନ ବିଷୟରେ ନିୟନ୍ତ୍ରଣ କକ୍ଷକୁ ଜଣାଇବାକୁ କୁହାଯାଇଛି। ପଙ୍ଗପାଳ ସେହି ସ୍ଥାନକୁ ଯିବେ ଯେଉଁଠାରେ ସବୁଜ ଘାସ କିମ୍ବା ସବୁଜ ସ୍ଥାନ ଅଛି। ତେଣୁ ଏହିପରି ସ୍ଥାନଗୁଡିକରୁ ସବିଶେଷ ତଥ୍ୟ ମିଳିବ ଜରୁରୀ | ”
କୃଷି ଉପ-ନିର୍ଦ୍ଦେଶକ କମଲ କଟିୟାର କହିଛନ୍ତି ଯେ, ଚଳପ୍ରଚଳ କରିପାରୁଥିବା ପଙ୍ଗପାଳର ଆକାର ଛୋଟ। “ଆମକୁ ଖବର ମିଳିଛି ଯେ ପାଖାପାଖି ୨.୫ରୁ ୩କିଲୋମିଟର ଲମ୍ବା ପଙ୍ଗପାଳ ଦେଶରେ ପ୍ରବେଶ କରିଛନ୍ତି। ପଙ୍ଗପାଳର ମୁକାବିଲା ପାଇଁ କୋଟା (ରାଜସ୍ଥାନ) ରୁ ଏକ ଦଳ ଆସିଛି। ବର୍ତ୍ତମାନ ପଙ୍ଗପାଳ ଝାନ୍ସୀର ବଙ୍ଗରା ମାଗରପୁରରେ ରହିଛନ୍ତି | ସେମାନଙ୍କୁ ମାରିବା ପାଇଁ ରାତିରେ କୀଟନାଶକ ଔଷଧର ସ୍ପ୍ରେ କରାଯିବ ବୋଲି ଶ୍ରୀ କଟିୟାର କହିଛନ୍ତି।