ଜମ୍ମୁ କାଶ୍ମୀରରେ ୨ ପୃଥକ୍‌ ଦୁର୍ଘଟଣାରେ ୭ ଜଣଙ୍କ ମୃତ୍ୟୁ

ଶ୍ରୀନଗର: ଜମ୍ମୁ କାଶ୍ମୀରର ରମ୍ବନ ଜିଲ୍ଲାର ରାମପରି ଅଞ୍ଚଳ ଏବଂ ଦୋଦା ଜିଲ୍ଲାର ଭଦେରୱା ପଠାନକୋଟ ରୋଡ୍‌ରେ ଆଜି ୨ଟି ପୃଥକ୍‌ ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଛି ଏବଂ ୧୩ ଜଣ ଆହତ ହୋଇଛନ୍ତି। ଦୋଦା ପୁଲିସ ଅନୁଯାୟୀ ଯାତ୍ରୀମାନଙ୍କୁ ଧରି ଯାତ୍ରା କରୁଥିବା ଏକ ଗାଡ଼ି ଆଜି ଗୁଲ୍‌ଦନ୍ଦା ନିକଟରେ ଦୁର୍ଘଟଣାର ଶିକାର ହୋଇଥିଲା। ଫଳରେ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ହୋଇଯାଇଥିଲା।

‌ସେହିପରି ରମ୍ବନ ଜିଲ୍ଲାର ରାମପରି ଅଞ୍ଚଳରେ ଖାଇକୁ ଗାଡ଼ି ଖସି ୨ ଜଣଙ୍କ ମୃତ୍ୟୁ ହୋଇଛି ଏବଂ ଅନ୍ୟ ଜଣେ ଆହତ ହୋଇଛନ୍ତି।