ମୋଦୀଙ୍କୁ ଚିଠି ଲେଖି ଦାନ୍ତ ନ ଉଠିବାର କାରଣ ପଚାରିଲେ ଦୁଇ ଶିଶୁ
ଗୌହାଟୀ: ଆସାମର ଦୁଇ ଶିଶୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କୁ ଚିଠି ଲେଖିଛନ୍ତି। ଏହି ପିଲାମାନେ ଚିଠି ମାଧ୍ୟମରେ ସେମାନଙ୍କର ସମସ୍ୟା ଉଭୟ ନେତାଙ୍କ ସାମ୍ନାରେ ରଖିଛନ୍ତି। ଏହି ଦୁଇ ପିଲାଙ୍କ ଅସୁବିଧା ଏତେ ସୁନ୍ଦର ଯେ ଏହି ଚିଠି ଭାଇରାଲ ହୋଇଛି। କୌତୁହଳର ବିଷୟ ହେଉଛି, ଚିଠିରେ ଲେଖାଯାଇଥିବା ଶବ୍ଦଗୁଡ଼ିକୁ ଦେଖି ଏହା ଅନୁମାନ କରାଯାଇପାରେ ଯେ ଉଭୟ ଏହାକୁ ନିଜ ହାତରେ ଲେଖିଛନ୍ତି। ବାସ୍ତବରେ ଏହି ଦୁଇ ପିଲାଙ୍କ ନାମ ହେଉଛି ରାବଜା ଏବଂ ଆର୍ଯ୍ୟନ୍ |
Sambad is now on WhatsApp
Join and get latest news updates delivered to you via WhatsApp
ରାବଜାଙ୍କୁ ୬ବର୍ଷ ହୋଇଥିବାବେଳେ ଆର୍ଯ୍ୟନଙ୍କୁ ହେଉଛି ପାଞ୍ଚ ବର୍ଷ | ଆର୍ଯ୍ୟନ୍ ପ୍ରଧାନମନ୍ତ୍ରୀ ମୋଦୀଙ୍କୁ ଲେଖିଛି ଯେ ‘ପ୍ରିୟ ମୋଦୀ ଜୀ..ମୋର ତିନୋଟି ଦାନ୍ତ ଆସୁନାହିଁ, ଦୟାକରି ଉପଯୁକ୍ତ ପଦକ୍ଷେପ ନିଅନ୍ତୁ, ଦାନ୍ତ ନଥିବା କାରଣରୁ ମୋର ପ୍ରିୟ ଖାଦ୍ୟ ଚୋବାଇବା କଷ୍ଟକର ହୋଇପଡୁଛି।’ ଅନ୍ୟପକ୍ଷରେ ଆସାମର ମୁଖ୍ୟମନ୍ତ୍ରୀଙ୍କୁ ସମ୍ବୋଧିତ କରି ରାବଜା ଲେଖିଛି ଯେ, ‘ପ୍ରିୟ ହିମନ୍ତ ମାମୁଁ, ମୋର ଦାନ୍ତ ଆସୁନାହିଁ। ଦୟାକରି ଆବଶ୍ୟକ ପଦକ୍ଷେପ ନିଅନ୍ତୁ, ଏହି କାରଣରୁ ମୁଁ ଅନେକ ସମସ୍ୟାର ସମ୍ମୁଖୀନ ହେଉଛି ଏବଂ ଖାଦ୍ୟ ଚୋବାଇବାରେ ମୁଁ ଅନେକ ଅସୁବିଧାର ସମ୍ମୁଖୀନ ହେଉଛି’ |
ଏହା ସହିତ ଉଭୟ ପିଲା ଚିଠିରେ ଛୋଟ ଚିତ୍ର ମଧ୍ୟ କରିଛନ୍ତି | ଏହି ଦୁଇ ଭାଇଭଉଣୀ ପ୍ରଧାନମନ୍ତ୍ରୀ ମୋଦୀ ଏବଂ ମୁଖ୍ୟମନ୍ତ୍ରୀ ବିଶ୍ୱଶର୍ମାଙ୍କୁ ଦୁଇଟି ପୃଥକ ଚିଠି ପଠାଇଛନ୍ତି।