ନୂଆଦିଲ୍ଲୀ : ଆଫ୍ରିକୀୟ ଦେଶ କଙ୍ଗୋରେ ହିଂସ୍ର ଜନତାଙ୍କ ଆକ୍ରମଣରେ ୩ ଜଣ ଜାତିସଂଘ ଶାନ୍ତିସୈନ୍ୟ ସହିଦ ହୋଇଛନ୍ତି । ସେମାନଙ୍କ ମଧ୍ୟରେ ୨ ଜଣ ଭାରତୀୟ ସୈନ୍ୟ ଥିବା ଜଣାପଡ଼ିଛି ।
ପୂର୍ବ କଙ୍ଗୋରେ ଥିବା ଜାତିସଂଘ ଅଫିସ ଉପରେ ଜାତିସଂଘକୁ ବିରୋଧ କରୁଥିବା ଏକ ହିଂସ୍ର ଭୀଡ଼ ଆକ୍ରମଣ କରିବାରୁ ମୋଟ ୧୫ ଜଣ ବ୍ୟକ୍ତି ନିହତ ହୋଇଛନ୍ତି ଓ ୫୦ରୁ ଅଧିକ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ୨ ଭାରତୀୟଙ୍କ ସମେତ ୩ ଶାନ୍ତିସୈନ୍ୟ ଅଛନ୍ତି । ସହିଦ ଭାରତୀୟ ସୈନିକମାନେ ବିଏସଏଫ ଯବାନ ବୋଲି ଜଣାପଡ଼ିଛି । ସହିଦ ଯବାନ ଦ୍ବୟଙ୍କ ନାମ ଶିଶୁପାଳ ସିଂ ଏବଂ ସାଓ୍ବଲା ରାମ ବିଷ୍ଣୋଇ ଓ ସେମାନଙ୍କ ଘର ରାଜସ୍ଥାନରେ ବୋଲି ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
DG BSF & all ranks express condolences on the sad demise of HC Shishupal Singh & HC Sanwala Ram Vishnoi on 26 Jul 2022, deployed with UN Peace Keeping Contingent (@MONUSCO) in Democratic Republic of Congo.
Prahari Parivar stands by their families in these trying times.#JaiHind pic.twitter.com/HF8Sv5FS9w— BSF (@BSF_India) July 27, 2022
ଦୁଇଦିନ ପୂର୍ବେ ମଧ୍ୟ ଜାତିସଂଘ କାର୍ଯ୍ୟାଳୟ ଓ ହସପିଟାଲ ଉପରେ ଏକ ଆକ୍ରମଣ ହୋଇଥିଲା । ଏକ ସଶସ୍ତ୍ର ଗୋଷ୍ଠୀ ଶାନ୍ତି ସେନାର ଶିବିର, କେତେକ ଜାତିସଂଘ ଅଫିସ ଓ ସେନା ପକ୍ଷରୁ ସ୍ଥାପିତ ଲେବଲ-୩ ହସପିଟାଲ ଉପରେ ଆକ୍ରମଣ କରି ଲୁଟ ଉଦ୍ୟମ କରାଯାଇଥିଲା । କିନ୍ତୁ ଭାରତୀୟ ସେନାର ସତର୍କ ଦୃଷ୍ଟିରୁ ସେମାନେ ବର୍ତ୍ତି ପାରିନଥିଲେ । ଭାରତୀୟ ସେନା ଜାତିସଂଘ ଆଇନକୁ ପାଳନ କରିବା ସହ ସେମାନଙ୍କୁ ଘଉଡ଼େଇଦେଇଥିଲା ।
ଗତ ମେ ୨୨ରେ କେତେକ ସଶସ୍ତ୍ର ବିଦ୍ରୋହୀ ଗୋଷ୍ଠୀ କଙ୍ଗୋ ସେନା ଶିବିର ଉପରେ ଆକ୍ରମଣ କରିଥିଲା । କିନ୍ତୁ ଜାତିସଂଘ ଶାନ୍ତି ସେନା ଏହି ଆକ୍ରମଣ ଉଦ୍ୟମକୁ ପଣ୍ଡ କରିଦେଇଥିଲା ।