୧୪ ଦିନିଆ କ୍ଵାରେଣ୍ଟିନ ଡର, ରେଜିଷ୍ଟର ସତ୍ତ୍ୱେ ଆସିଲେନି ୨ଲକ୍ଷ ଲୋକ
ରାଞ୍ଚି: ପ୍ରବାସୀଙ୍କୁ ଘାରିଲା ୧୪ ଦିନିଆ କ୍ଵାରେଣ୍ଟିନ ଡର, ଯେଉଁଥିପାଇଁ ପଞ୍ଜୀକରଣ କରିବା ସତ୍ତ୍ୱେ ଆସିଲେ ନାହିଁ ୨ ଲକ୍ଷ ଲୋକ | ଝାଡ଼ଖଣ୍ଡରେ କିଛି ଏଭଳି ଘଟଣା ଦେଖିବାକୁ ମିଳିଛି | ମିଳିଥିବା ସୂଚନା ମୁତାବକ ଅନ୍ୟ ରାଜ୍ୟରୁ ନିଜ ରାଜ୍ୟକୁ ବସ ମାଧ୍ୟମରେ ଆସିବାକୁ ଯେଉଁମାନେ ପଞ୍ଜୀକରଣ କରିଛନ୍ତି ସେମାନଙ୍କ ତୁଳନାରେ କେବଳ ୧୧.୫୬ ପ୍ରତିଶତ ଲୋକ ଝାଡ଼ଖଣ୍ଡକୁ ଆସୁଛନ୍ତି। ଜୁଲାଇ ୨୦ ରୁ ଅଗଷ୍ଟ ୪ ପର୍ଯ୍ୟନ୍ତ ଆସିବାକୁ ଥିବା ଲୋକଙ୍କ ପାଇଁ ୧୪ ଦିନିଆ କ୍ଵାରେଣ୍ଟିନରେ ରହିବାକୁ ପଡିବ ବୋଲି ନିୟମକୁ କଡାକଡି କରାଯାଇଛି | ଏହି କାରଣରୁ, ଯଦିଓ ଲୋକମାନେ ପଞ୍ଜୀକରଣ କରିସାରିଛନ୍ତି, ସେମାନେ ଆସି ନାହାଁନ୍ତି |
Sambad is now on WhatsApp
Join and get latest news updates delivered to you via WhatsApp
ଗତ ୧୫ ଦିନ ମଧ୍ୟରେ ରେଜିଷ୍ଟର କରିଥିବା ଲୋକଙ୍କ ସଂଖ୍ୟା ୨,୨୪,୮୨୫ ରେ ପହଞ୍ଚିଥିବାବେଳେ ମାତ୍ର ୬୩୯୧୭ ଜଣ ଲୋକ ଝାଡ଼ଖଣ୍ଡରେ ପହଞ୍ଚିଛନ୍ତି। ଏମାନଙ୍କ ମଧ୍ୟରୁ ୪୦ ହଜାରରୁ ଅଧିକ ଲୋକ ବିମାନ କିମ୍ବା ରେଳ ମାଧ୍ୟମରେ ଝାଡ଼ଖଣ୍ଡକୁ ଫେରିଛନ୍ତି। ତେବେ ବିମାନ ଓ ଟ୍ରେନରେ ଯାତ୍ରା କରିବାକୁ ପରିଚୟ ପତ୍ର ବାଧ୍ୟତାମୂଳକ କରାଯାଇଥିବାବେଳେ ରାଜ୍ୟରେ ପହଂଚିବା ପରେ ସେମାନଙ୍କୁ ହୋମ କ୍ଵାରେଣ୍ଟିନରେ ପଠାଯାଇଛି |
ସେହିପରି ଜୁଲାଇ ୨୦ ରୁ ଅଗଷ୍ଟ ୪ ପର୍ଯ୍ୟନ୍ତ ୨୧୦୫୩୩ ଲୋକ ରାସ୍ତାରେ ଆସିବାକୁ ପଞ୍ଜୀକୃତ ହୋଇଥିଲେ ମଧ୍ୟ ଝାଡ଼ଖଣ୍ଡରେ ୨୪୩୪୬ ଜଣ ଲୋକ (୧୧.୫୬ ପ୍ରତିଶତ) ରାଜ୍ୟରେ ପହଂଚିଛନ୍ତି । ଏହାକୁ ନେଇ ପରିବହନ ବିଭାଗ ପକ୍ଷରୁ ରେଜିଷ୍ଟର କରିଥିବା ଲୋକଙ୍କୁ ଯୋଗାଯୋଗ କରାଯାଇଥିବାବେଳେ କଡା କ୍ଵାରେଣ୍ଟିନ ନିୟମ ପାଇଁ ଆସିନଥିବା ଜଣାଇଛନ୍ତି ବୋଲି ପରିବହନ ବିଭାଗର ସଚିବ କେ ରବି କୁମାର କହିଛନ୍ତି ।