ଶ୍ରୀନଗର: ଜମ୍ମୁ କଶ୍ମୀରର ରିଆସି ଜିଲ୍ଲାରେ ଗୁରୁବାର ଆତଙ୍କବାଦୀ ସଂଗଠନ ‘ଜୈଶ-ଏ-ମହମ୍ମଦ’ର ୩ ଜଣ ସଦସ୍ୟଙ୍କୁ ସୁରକ୍ଷାବାହିନୀର ଯବାନମାନେ ଏନ୍କାଉଣ୍ଟରରେ ନିହତ କରିଛନ୍ତି। ପୁଲିସ କହିଛି, ଆତଙ୍କବାଦୀଙ୍କ ଗୁଳିରେ ଜଣେ ଡିଏସପିଙ୍କ ସମେତ ୮ ଜଣ ସୁରକ୍ଷା କର୍ମୀ ଆହତ ହୋଇଛନ୍ତି। ଆହତ ଯବାନମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଆତଙ୍କବାଦୀମାନେ ଲୁଚି ରହିଥିବା ନେଇ ସୂଚନା ମିଳିବା ପରେ ସିଆରପିଏଫ, ପୋଲିସ ଓ ଯବାନଙ୍କ ଦ୍ୱାରା ମିଳିତ କର୍ଡନ ଓ ତଲାସୀ ଅଭିଯାନ ଆରମ୍ଭ କରାଯାଇଥିଲା। କକରିଆଲ ଅଞ୍ଚଳରେ ଆତଙ୍କବାଦୀମାନେ ଲୁଚି ରହିଥିବା ସୁରକ୍ଷାକର୍ମୀଙ୍କୁ ସୂଚନା ମିଳିଥିଲା। ସୁରକ୍ଷାକର୍ମୀମାନେ ଅପରେସନ ସମୟରେ ଡ୍ରୋନ୍ ମଧ୍ୟ ବ୍ୟବହାର କରିଥିଲେ ବୋଲି ଜଣାପଡ଼ିଛି। ଏନ୍କାଉଣ୍ଟରେ ୩ ଜଣ ଆତଙ୍କବାଦୀ ନିହତ ହୋଇଥିବା ବେଳେ ଡିଏସ୍ପି ମୋହନ ଲାଲଙ୍କ ସମେତ ୮ ଜଣ ସୁରକ୍ଷାକର୍ମୀ ଆହତ ହୋଇଛନ୍ତି। ଅପରେସନରେ ୫ ଜଣ ସିଆରପିଏଫ ଯବାନ ଓ ଜମ୍ମୁ କଶ୍ମୀର ପୁଲିସର ୩ ଜଣ କର୍ମଚାରୀ ଆହତ ହୋଇଛନ୍ତି। ଆହତମାନଙ୍କୁ କଟାରାସ୍ଥିତ ନାରାୟଣ ହସ୍ପିଟାଲରେ ଭର୍ତ୍ତି କରାଯାଇଛି।