ପାକିସ୍ତାନରେ ଶିଖ ସମୁଦାୟକୁ ଟାର୍ଗେଟ: ଗୁଳିମାଡରେ ଦୁଇ ଭାଇଙ୍କର ମୃତ୍ୟୁ
ପେଶାୱର: ପାକିସ୍ତାନର ପେଶାୱରର ବାଡା ଅଞ୍ଚଳରେ ଦୁଇ ଶିଖ ଭାଇଙ୍କୁ ଗୁଳି କରି ହତ୍ୟା କରାଯାଇଛି। ମୃତକ ଦୁଇ ଭାଇଙ୍କ ନାମ କୁଲଜିତ ସିଂ ଏବଂ ରଣଜିତ ସିଂ ହୋଇଥିବାବେଳେ ଅଜଣା ଦୃବୁର୍ତ୍ତ ସେମାନଙ୍କୁ ଗୁଳି କରି ହତ୍ୟା କରିଛନ୍ତି | ଉଭୟ ଭାଇ ଏକ ତେଜରାତି ଦୋକାନ ଥିବାବେଳେ ଖାଇବର ପାଖ୍ଟନଖୱା ମୁଖ୍ୟମନ୍ତ୍ରୀ ମହମୁଦ ଖାନ ଏହି ଘଟଣାକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି | ଅଭିଯୁକ୍ତଙ୍କୁ ତୁରନ୍ତ ଗିରଫ କରିବା ପାଇଁ ଆବଶ୍ୟକ ପଦକ୍ଷେପ ନେବାକୁ ସେ ଇନ୍ସପେକ୍ଟର ଜେନେରାଲଙ୍କୁ ନିର୍ଦ୍ଦେଶ ଦେଇଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ଏହି ଘଟଣା ଅତ୍ୟନ୍ତ ନିନ୍ଦନୀୟ ଏବଂ ଏହି ଜଘନ୍ୟ ହତ୍ୟାକାଣ୍ଡରେ ସେମାନଙ୍କୁ ଛଡାଯିବନାହିଁ | ସୂଚନା ଥାଉ କି ଗତ ଆଠ ମାସ ମଧ୍ୟରେ ପେଶାୱରର ଶିଖ ସମ୍ପ୍ରଦାୟ ଉପରେ ଏହା ହେଉଛି ଦ୍ୱିତୀୟ ଆକ୍ରମଣ।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ସେପ୍ଟେମ୍ବର ୨୦୨୧ ରେ ସତନାମ ସିଂଙ୍କୁ ହତ୍ୟା କରାଯାଇଥିଲା। ଏହି ଆକ୍ରମଣ ପାଇଁ ଆଇଏସଆଇଏସ ଶାଖା, ଆଇଏସକେପି ସମ୍ପୃକ୍ତ ବୋଲି ଦାବି କରିଥିଲା । ୪୫ ବର୍ଷୀୟ ସତନାମ ସିଂ ଗତ ୨୦ ବର୍ଷ ଧରି ଖାଇବର ପାଖ୍ଟନଖୱା ପ୍ରଦେଶର ରାଜଧାନୀ ପେଶାୱରରେ ରହୁଥିଲେ। ସେ ସହରର ଚାରସଡା ରୋଡରେ ନିଜର କ୍ଲିନିକ୍ ଚଳାଉଥିଲେ।
ସେହିପରି ୨୦୨୦ ମସିହାରେ ପାକିସ୍ତାନର ପେଶାୱରରେ ୨୫ ବର୍ଷୀୟ ରବିନ୍ଦର ସିଂଙ୍କୁ ଅଜ୍ଞାତ ବନ୍ଧୁକଧାରୀ ଗୁଳି କରି ହତ୍ୟା କରିଥିଲେ। ଏହାପୂର୍ବରୁ ୨୦୧୮ରେ ଶିଖ ସମ୍ପ୍ରଦାୟର ଜଣେ ଜଣାଶୁଣା ସଦସ୍ୟ ଚରଣଜିତ ସିଂଙ୍କୁ ପେଶାୱରରେ ଅଜ୍ଞାତ ବ୍ୟକ୍ତିମାନେ ହତ୍ୟା କରିଥିଲେ। ସେହିଭଳି, ୨୦୧୬ରେ ପେଶାୱରରେ ପାକିସ୍ତାନ ତେହେରିକ-ଇ-ଇନସାଫର ସଦସ୍ୟ ସୋରେନ ସିଂଙ୍କୁ ହତ୍ୟା କରାଯାଇଥିଲା | ଉଲ୍ଲେଖ ଥାଉ କି ପେଶାୱରରେ ପ୍ରାୟ ୧୫,୦୦୦ ଶିଖ ବାସ କରନ୍ତି। ପେଶୱାରରେ ଶିଖ ସମ୍ପ୍ରଦାୟର ଅଧିକାଂଶ ସଦସ୍ୟ ବ୍ୟବସାୟୀ ହୋଇଥିବାବେଳେ କେତେକ ଫାର୍ମାସି ମଧ୍ୟ ଚଳାନ୍ତି।