କରୋନା ସଂକ୍ରମଣରୁ ବଞ୍ଚାଇବା ପାଇଁ ଶିଶୁକୁ ଅଦଳବଦଳ କଲେ ଦୁଇ ମହିଳା
ସିକ୍କିମ୍ : କରୋନା ଭୂତାଣୁ (କୋଭିଡ -୧୯) ମହାମାରୀ ମଧ୍ୟରେ ଦୁଇଜଣ ମହିଳା ସିକ୍କିମରେ ଅସ୍ଥାୟୀ ଭାବରେ ନିଜ ପିଲାମାନଙ୍କୁ ଅଦଳବଦଳ କରିଛନ୍ତି। ଉଭୟ ମହିଳା ନିଜ ପିଲାମାନଙ୍କର ଉପଯୁକ୍ତ ଯତ୍ନ ନେବା ପାଇଁ ଏଭଳି କରିଥିବା ଜଣାପଡ଼ିଛି | ମିଳିଥିବା ସୂଚନା ମୁତାବକ, ଦୁଇ ଜଣଙ୍କ ମଧ୍ୟରୁ କୋଭିଡ -୧୯ ଦ୍ୱାରା ଶିକାର ହୋଇଥିବା ଜଣେ ମହିଳା କରୋନା ସଂକ୍ରମିତ ହୋଇ ନଥିବା ବେଳେ ସେ ଜନ୍ମ ଦେଇଥିବା ୨୭ମାସର ଶିଶୁଟି କରୋନା ସଂକ୍ରମିତ ବୋଲି ଜଣା ପଡିଥିଲା | ଏହା ସହ ଅନ୍ୟ ଜଣେ ମହିଳା କରୋନା ସଂକ୍ରମିତ ହୋଇଥିବା ବେଳେ ସେ ଜନ୍ମ ଦେଇଥିବା ୬ମାସର ଶିଶୁଟି କରୋନା ଆକ୍ରାନ୍ତ ହୋଇ ନଥିବା ସ୍ପଷ୍ଟ କରିଥିଲେ ଡାକ୍ତର |
Sambad is now on WhatsApp
Join and get latest news updates delivered to you via WhatsApp
ତେବେ ଏଭଳି ସ୍ଥିତି ଦେଖି କିଛି ଦିନ ପାଇଁ ଦୁଇ ମହିଳା ଦୁଇଟି ଶିଶୁକୁ ଅଦଳବଦଳ କରିବା ପାଇଁ ନିଷ୍ପତ୍ତି ନେଇଥିଲେ | ବର୍ତ୍ତମାନ ସଂକ୍ରମିତ ମହିଳା ସଂକ୍ରମିତ ଶିଶୁର ଦେଖାଶୁଣା କରିବା ସହ ସଂକ୍ରମିତ ହୋଇ ନଥିବା ମହିଳା ସଂକ୍ରମିତ ହୋଇ ନଥିବା ଶିଶୁର ଦେଖାଶୁଣା କରୁଛନ୍ତି | କରୋନା ଆକ୍ରାନ୍ତ ହୋଇଥିବା ମହିଳା ଏବଂ ଶିଶୁ ସୁସ୍ଥ ନହେବା ପର୍ଯ୍ୟନ୍ତ ଏଭଳି ଚାଲୁ ରହିବ ବୋଲି ଡାକ୍ତର କହିଛନ୍ତି |
ଏସଟିଏନଏମ ହସ୍ପିଟାଲର ଡାକ୍ତର କହିଛନ୍ତି ଯେ, କରୋନା ଆକ୍ରାନ୍ତ ହୋଇ ନଥିବା ୬ମାସର ଶିଶୁର ସମସ୍ତ ପରିବାର ସଦସ୍ୟ କରୋନା ଆକ୍ରାନ୍ତ ଥିବାରୁ କେହି ମଧ୍ୟ ତାଙ୍କର ଯତ୍ନ ନେବା ପାଇଁ ସକ୍ଷମ ନ ଥିଲେ | ଏହା ପରେ ତାଙ୍କ ମା’ ପୂରା ଘଟଣା ଜଣାଇବା ସହ ଶିଶୁ ଅଦଳବଦଳ କରିବା କଥା କହିଥିଲେ | ବର୍ତ୍ତମାନ କରୋନା ଆକ୍ରାନ୍ତ ଶିଶୁ ଏବଂ ମହିଳାଙ୍କର ଡାକ୍ତରଖାନାରେ ଚିକିତ୍ସା ଚାଲିଥିବା ବେଳେ କରୋନା ମୁକ୍ତ ଥିବା ମହିଳା ଏବଂ ଶିଶୁକୁ ସଙ୍ଗରୋଧ କେନ୍ଦ୍ରରେ ରଖା ଯାଇଛି |