ସୁରକ୍ଷା ବାହିନୀ-ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ: ୨ ଆତଙ୍କୀ ସଫା

ଜମ୍ମୁ-କଶ୍ମୀର: ଗୁରୁବାର ସକାଳେ ଜମ୍ମୁ-କଶ୍ମୀରର କିସ୍ତୱାର ଜିଲ୍ଲାର ଚାତ୍ରୋ ସିଂହପୋରା ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏହି ଗୁଳି ବିନିମୟରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି।

'ଅପରେସନ୍ ତ୍ରାଶି' ନାମକ ଏହି ମିଳିତ ଅପରେସନରେ ଗୁଳିବିନିମୟ ଆରମ୍ଭ ହେବା ପରେ ଅତିରିକ୍ତ ସୈନ୍ୟ ମୁତୟନ କରାଯାଇଥିଲା। ଆତଙ୍କବାଦୀଙ୍କୁ ନିଷ୍କ୍ରିୟ କରିବା ପାଇଁ ପ୍ରୟାସ ଜାରି ରହିଛି, ସେନାର ହ୍ୱାଇଟ୍ ନାଇଟ୍ କର୍ପସ ପକ୍ଷରୁ ଏକ୍ସରେ ଏକ ସୂଚନା ପ୍ରଦାନ କରାଯାଇଛି।

ସିଂହପୋରା ଚାତ୍ରୋରେ ଦୁଇଟି ପାରା ଏସ୍ଏଫ୍, ସେନାର ୧୧ଆର୍‌ଆର୍‌, ୭ମ ଆସାମ ରାଇଫଲ୍ସ ଏବଂ ଏସ୍ଓଜି କିସ୍ତୱାରର ସୈନିକମାନେ ସର୍ଚ୍ଚ ଅପରେସନ୍ ଆରମ୍ଭ କରିବା ପରେ ସକାଳ ପ୍ରାୟ ୭ଟାରେ ଏନକାଉଣ୍ଟର ଆରମ୍ଭ ହୋଇଥିଲା।

ପ୍ରାଥମିକ ରିପୋର୍ଟ ଅନୁଯାୟୀ, ସୁରକ୍ଷା ବାହିନୀ ଦ୍ୱାରା ସୈଫୁଲ୍ଲାହ ସମେତ ତିନିରୁ ଚାରି ଜଣ ଆତଙ୍କବାଦୀଙ୍କ ଏକ ଗୋଷ୍ଠୀ ଜଙ୍ଗଲରେ ଫସି ରହିଥିବା ଅନୁମାନ କରାଯାଉଛି।

ଅତିରିକ୍ତ ସୈନ୍ୟଙ୍କୁ ମୁତୟନ କରାଯାଇଛି ଏବଂ ସତର୍କତାମୂଳକ ପଦକ୍ଷେପ ସ୍ୱରୂପ ଏନକାଉଣ୍ଟର ସ୍ଥଳକୁ ସମସ୍ତ ପ୍ରବେଶ ପଥକୁ ସିଲ୍ କରାଯାଇଛି।