ଶ୍ରୀନଗର : କଶ୍ମୀରର ପୁଲଓ୍ଵାମା ଜିଲ୍ଲାର ରାଜପୁରା ଅଞ୍ଚଳରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଏକ ଗୁଳିବିନିମୟ ଚାଲିଥିବା ଖବର ହସ୍ତଗତ ହୋଇଛି । ରାଜପୁରାର ଜନଗହଳିପୂର୍ଣ୍ଣ ଅଞ୍ଚଳରେ ୨ ଜଣ ଆତଙ୍କବାଦୀ ଲୁଚିଥିବା ସେନା ଓ ପୁଲିସ ସୂଚନା ପାଇବା ପରେ ଉକ୍ତ ଅଞ୍ଚଳକୁ ଚାରିପଟୁ ଘେରିଯାଇଥିଲେ । ଦୁଇଜଣ ଆତଙ୍କବାଦୀ ଏବେ ବି ଲୁଚିରହିଛନ୍ତି ବୋଲି ଜଣାପଡିଛି । ଅନ୍ୟପକ୍ଷରେ ପାକିସ୍ତାନ ପଟୁ ଅସ୍ତ୍ରବିରତି ଉଲ୍ଲଙ୍ଘନ ଘଟଣା ଜାରି ରହିଛି । ପାକିସ୍ତାନୀ ରେଞ୍ଜର୍ସ ପକ୍ଷରୁ ଆଜି ପୁଞ୍ଚ ସେକ୍ଟରର ବାଲାକୋଟ ଓ ମେଣ୍ଢର ସେକ୍ଟରରେ ସାଧାରଣ ଲୋକରହୁଥିବା ଅଞ୍ଚଳକୁ ଲକ୍ଷ୍ୟ କରି ଗୁଳିଗୋଳା ବର୍ଷଣ କରାଯାଇଛି । ଏହି ଗୁଳିଗୋଳା ବର୍ଷଣରେ ୨ଜଣ ସାଧାରଣ ଲୋକ ଆହତ ହୋଇଥିବା ଖବର ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଅସ୍ତ୍ରବିରତି ଉଲ୍ଲଙ୍ଘନ କରି ପାକିସ୍ତାନ ଭାରତୀୟ ସେନାକୁ ବ୍ୟସ୍ତ ରଖୁଥିବାବେଳେ ସେପଟେ ଅନୁପ୍ରବେଶ କରାଉଛି ବୋଲି ଗୁଇନ୍ଦା ରିପୋର୍ଟ ମିଳିଛି । ଏହାକୁ ଦୃଷ୍ଟିରେ ରଖି ଭାରତୀୟ ସେନା ମଧ୍ୟ କଡ଼ା ଜବାବ ଦେଉଛି ।