ପତ୍ନୀ ହତ୍ୟାକାରୀ ଭାରତୀୟ ବଂଶୋଦ୍ଭବଙ୍କୁ ୨୦ ବର୍ଷ ଜେଲ୍
ନୂଆଦିଲ୍ଲୀ: ଆମେରିକାରେ ନିଜ ପତ୍ନୀଙ୍କୁ ହତ୍ୟା କରିଥିବା ଅଭିଯୋଗରେ ଭାରତୀୟ ବଂଶୋଦ୍ଭବ ନୀତିନ ପି ସିଂହଙ୍କୁ ୨୦ ବର୍ଷ ଜେଲ୍ଦଣ୍ଡ ହୋଇଛି। ସୂଚନାଯୋଗ୍ୟ, ୨୦୧୬ ମସିହାରେ ପତ୍ନୀ ସୀମାଙ୍କର ପରକୀୟା ସମ୍ପର୍କ ଥିବା ଜାଣିବା ପରେ ତାଙ୍କୁ ନୀତିନ ଏ ବିଷୟରେ ପଚାରିଥିଲେ। ମାତ୍ର ସେ ତାଙ୍କ ପିଲାମାନଙ୍କୁ ନେଇ ଅନ୍ୟତ୍ର ଚାଲିଯିବାକୁ ସୀମା କୁଆଡ଼େ ନୀତିନଙ୍କୁ କହିଥିଲେ। ଏଥିରେ ନୀତିନ କ୍ରୋଧିତ ହୋଇ ସୀମାଙ୍କୁ ଛୁରିରେ ଆକ୍ରମଣ କରିଥିଲେ। ଫଳରେ ସୀମାଙ୍କର ମୃତ୍ୟୁ ହୋଇଥିଲା ବୋଲି ନୀତିନ ଅଦାଲତରେ ସ୍ୱୀକାର କରିଥିଲେ।