୨୦୦୮ ବାଙ୍ଗାଲୁରୁ ସିରିଜ ବୋମା ବିସ୍ଫୋରଣ ମାମଲା, ଜଣେ ଅଭିଯୁକ୍ତ କେରଳରୁ ଗିରଫ
ବାଙ୍ଗାଲୁରୁ : ୨୦୦୮ରେ ହୋଇଥିବା ବାଙ୍ଗାଲୁରୁ ସିରିଜ ବୋମା ବିସ୍ଫୋରଣ ମାମଲାରେ ବାଙ୍ଗୁଲୁୁରୁ ସିଟି ପୁଲିସ ଜଣେ ଅଭିଯୁକ୍ତକୁ ଗତ କାଲି ରାତିରେ ଗିରଫ କରିଛି । ସୋଏବ ନାମକ କେରଳର ଏହି ବ୍ୟକ୍ତି ୨୦୦୮ ପରଠାରୁ ଫେରାର ଥିଲା । ବାଙ୍ଗାଲୁର ସିଟି ପୁଲିସର ଆଣ୍ଟି-ଟେରରିଷ୍ଟ ସ୍କ୍ଵାର୍ଡର ଦୁଇ ଜଣ ଅଫିସର କେରଳରୁ ସୋଏବକୁ ଗିରଫ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ବାଙ୍ଗାଲୁରୁର ଯୁଗ୍ମ ପୁଲିସ କମିଶନର ସଂଦୀପ ପାଟିଲ କହିଛନ୍ତି ଯେ ସୋଏବ ୨୦୦୮ରେ ହୋଇଥିବା ବୋମା ବିସ୍ଫୋରଣ ପରଠାରୁ ଫେରାର ଥିଲା । ତା ବିରୁଦ୍ଧରେ ରେଡ କର୍ଣ୍ଣର ନୋଟିସ ମଧ୍ୟ ଲଗାଯାଇଥିଲା । କିଛିଦିନ ତଳେ କେରଳ ପୁଲିସ ତାକୁ ଅଟକ ରଖି ପଚରାଉଚୁରା କରିବା ପରେ ତାହାର ପରିଚୟ ଜଣାପଡ଼ିଥିଲା । କେରଳ ପୁଲିସଠାରୁ ଖବର ପାଇଁ ବାଙ୍ଗାଲୁରୁ ଏଟିଏସର ଏକ ସ୍ୱତନ୍ତ୍ର ଟିମ କେରଳ ଯାଇ ତାକୁ ବାଙ୍ଗାଲୋର ଆଣିଛନ୍ତି । ତେବେ ଏ ସମ୍ପର୍କରେ ଅଧିକ କିଛି କହିବାକୁ ସେ ମନା କରିଦେଇଛନ୍ତି ।
୨୦୦୮, ଜୁଲାଇ ୨୫ରେ ବାଙ୍ଗାଲାରୁ ସହରରେ ହୋଇଥିବା ସିରିଜ ବୋମା ବିସ୍ଫୋରଣରେ ଜଣେ ବ୍ୟକ୍ତି ନିହତ ହେବା ସହ ୮ ଜଣ ଆହତ ହୋଇଥିଲେ । ଆତଙ୍କବାଦୀମାନେ ସହରର ୯ଟି ସ୍ଥାନରେ ବୋମା ଖଞ୍ଜି ବିସ୍ଫୋରଣ କରିଥିଲେ ।