ଆଇପିଏଲ : ହାଇଦ୍ରାବାଦ ଆଗରେ ୨୦୧ ରନର ଲକ୍ଷ୍ୟ ରଖିଲା କୋଲକାତା

କୋଲକାତା : କୋଲକାତାର ଇଡେନ ଗାଡେନ୍ସଠାରେ ଖେଳାଯାଉଥିବା ଆଇପିଏଲର ଏକ ଲିଗ୍ ମ୍ୟାଚରେ ସନରାଇଜର୍ସ ହାଇଦ୍ରାବାଦ ଆଗରେ ୨୦୧ ରନର ଲକ୍ଷ୍ୟ ରଖିଛି କୋଲକାତା ନାଇଟରାଇଡର୍ସ । 

ଏହି ମ୍ୟାଚରେ ହାଇଦ୍ରାବାଦ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । କିନ୍ତୁ ପ୍ରଥମେ ବ୍ୟାଟିଂ କରିଥିବା କୋଲକାତା ଆରମ୍ଭରୁ କ୍ବିଣ୍ଟନ ଡିକକ୍ ଓ ସୁନୀଲ ନାରାୟଣଙ୍କ ଓ୍ବିକେଟ୍ ହରାଇ ସଂକଟରେ ପଡ଼ିଥିଲା । କିନ୍ତୁ ପ୍ରଥମେ ଅଜିଙ୍କ୍ୟ ରାହାଣେ ଓ ଅଙ୍କକ୍ରିସ ରଘୁବଂଶୀଙ୍କ ମଧ୍ୟରେ ଏକ ଭଲ ପାର୍ଟନରସିପ୍ ଦେଖିବାକୁ ମିଳିଥିଲା । ରାହାଣେ ଆଉଟ ହେବା ପରେ ରଘୁବଂଶୀ ଓ ଭେଙ୍କଟେସ୍ ଆୟରଙ୍କ ମଧ୍ୟରେ ଆଉ ଏକ ବଡ଼ ପାର୍ଟନରସିପ୍ ଦେଖିବାକୁ ମିଳିଥିଲା । ରାହାଣେ ୩୮ ରନ କରିଥିବାବେଳେ ରଘୁବଂଶୀ ୫୦ ରନ କରିଥିଲେ । ତେବେ ଭେଙ୍କଟେଶ ବିସ୍ଫୋରକ ଇନିଂସ ଖେଳି ମାତ୍ର ୨୯ ରନରେ ୬୦ ରନ କରିଥିଲେ । ରିଙ୍କୁ ସିଂ ୩୨ ରନ କରିଥିଲେ । କୋଲକାତା ନିର୍ଦ୍ଧାରିତ ୨୦ ଓଭରରେ ୨୦୦ ରନ କରିଥିଲେ । 

ହାଇଦ୍ରାବାଦ ପକ୍ଷରୁ ମହମ୍ମଦ ସମି, ପ୍ୟାଟ୍ କମିନ୍ସ, ଜିସାନ ଅନସାରି, କାମିଣ୍ଡୁ ମେଣ୍ଡିସ ଓ ହର୍ଷଲ ପଟେଲ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ ।