ର‍୍ୟାମ୍ପ୍‌ ଓ୍ଵାକ୍‌ ଅଭ୍ୟାସ ବେଳେ ୨୧ ବର୍ଷୀୟ ଏମ୍‌ବିଏ ଛାତ୍ରୀ ମୃତ

ବେଙ୍ଗାଲୁରୁ: କଲେଜର ‘ଫ୍ରେସର୍ସ ଡେ’ ସେଲିବ୍ରେସନ୍‌ ଲାଗି ର‍୍ୟାମ୍ପ୍‌ ଓ୍ଵାକ୍‌ ଚାଲିବା ଅଭ୍ୟାସ କରିବା ସମୟରେ ଜଣେ ପୀନ୍ୟା ଠାରେ ଜଣେ ୨୧ ବର୍ଷୀୟ ଏମ୍‌ବିଏ ଛାତ୍ରୀଙ୍କର ହୃଦ୍‌ଘାତ ଯୋଗୁଁ ମୃତ୍ୟୁ ଘଟିଥିବା କୁହାଯାଉଛି।

ମୃତା ଛାତ୍ରୀ ହେଉଛନ୍ତି ପୀନ୍ୟା କଲେଜର ପ୍ରଥମ ବାର୍ଷିକ ଏମ୍‌ବିଏ ଛାତ୍ରୀ।

ଶୁକ୍ରବାର ଦିନ ଡେପୁଟି ପୁଲିସ କମିସନର୍‌ ଶଶି କୁମାର କହିଛନ୍ତି: ତାଙ୍କ କଲେଜରେ ‘ଫ୍ରେସର୍ସ ଡେ’ ସେଲିବ୍ରେସନ୍‌ ପାଳନ ପାଇଁ ର‍୍ୟାମ୍ପ୍‌ ଓ୍ଵାକ୍‌ ଅଭ୍ୟାସ କରୁଥିବା ବେଳେ ଛାତ୍ରୀଙ୍କର ମୃତ୍ୟୁ ଘଟିଥିଲା। ହୃଦ୍‌ଘାତ ଯୋଗୁଁ ମୃତ୍ୟୁ ଘଟିଥିବା ସନ୍ଦେହ କରାଯାଉଛି। ର‍୍ୟାମ୍ପ୍‌ ଓ୍ଵାକ୍‌ ପାଇଁ ତାଙ୍କର ପାଳି ସରିବା ପରେ ସେ ମଞ୍ଚ ନିକଟରେ ଠିଆ ହୋଇଥିବା ବେଳେ ତଳେ ପଡ଼ିଯାଇଥିଲେ।

ପରିସରରେ ଲାଗିଥିବା ସିସିଟିଭି କ୍ୟାମେରାରେ ସମ୍ପୂର୍ଣ୍ଣ ଦୃଶ୍ୟ ଉତ୍ତୋଳିତ ହୋଇଛି।

ଅନ୍ୟ ଛାତ୍ରଛାତ୍ରୀମାନେ ତାଙ୍କୁ ତୁରନ୍ତ ନିକଟବର୍ତ୍ତୀ ଡାକ୍ତରଖାନାକୁ ନେଇ ଯାଇଥିଲେ। ତାଙ୍କୁ ମୃତାବସ୍ଥାରେ ଅଣାଯାଇଥିବା କଥା ଡାକ୍ତରମାନେ ଘୋଷଣା କରିଥିଲେ।

ପୀନ୍ୟା ଥାନାରେ ଏ ସଂକ୍ରାନ୍ତରେ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି।