କାହାକୁ ନଜଣାଇ ହସ୍ପିଟାଲ ଛାଡ଼ି ପଳାଇଲେ ୨୩ଜଣ କରୋନା ଆକ୍ରାନ୍ତ
ନୂଆଦିଲ୍ଲୀ: ଦିଲ୍ଲୀରେ ଘଟିଛି ଏକ ଅଭାବନୀୟ ଘଟଣା | କାହାକୁ ନଜଣାଇ ଡାକ୍ତରଖାନାରେ ଭର୍ତ୍ତି ଥିବା ୨୩ଜଣ କରୋନା ରୋଗୀ ଚାଲିଯାଇଥିବା ଜଣାପଡିଛି | ଏହି ଖବର ସାମ୍ନାକୁ ଆସିବା ପରେ ନିଜର ଅପାରଗତାକୁ ଲୁଚାଇବା ପାଇଁ ଅନ୍ୟ ସ୍ଥାନରେ ମଧ୍ୟ ଏଭଳି ଘଟୁଥିବା କହିଛନ୍ତି ଉତ୍ତର ଦିଲ୍ଲୀର ମେୟର ଜୟ ପ୍ରକାଶ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଏପ୍ରିଲ ୧୯ରୁ ମେ’ ୬ମଧ୍ୟରେ ୨୩ଜଣ କରୋନା ଆକ୍ରାନ୍ତ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଖସି ପଳାଇଥିବା ଜଣାପଡିଛି | ଉତ୍ତର ଦିଲ୍ଲୀରେ ଥିବା ହିନ୍ଦୁ ରାଓ ହସ୍ପିଟାଲରେ ଏଭଳି ଘଟଣା ଘଟିଛି | ତେବେ ଏଭଳି ହଠାତ ଡାକ୍ତରଖାନାରୁ କରୋନା ରୋଗୀ ଚାଲିଯିବା ପଛର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ |
ଏନେଇ ମେୟରଙ୍କୁ ପଚରାଯିବା ପରେ ସେ କହିଛନ୍ତି ଯେ, ଏହି ଘଟଣା ସାମ୍ନାକୁ ଆସିବା ପରେ ଖସି ପଳାଇଥିବା ୨୩ଜଣଙ୍କୁ ଖୋଜିବା ପାଇଁ ଦିଲ୍ଲୀ ପୁଲିସକୁ କୁହାଯାଇଛି | ଏହା କେବଳ ହିନ୍ଦୁ ରାଓ ହସ୍ପିଟାଲରେ ନୁହେଁ ସରକାରୀ ହସ୍ପିଟାଲରେ ମଧ୍ୟ ଘଟୁଛି |