ନୂଆଦିଲ୍ଲୀ : ଗୁରୁବାର ଅପରାହ୍ଣ ୨ଟା ସୁଦ୍ଧା ୨୫ ଲକ୍ଷ ଡୋଜ୍ ଟିକା ଦିଆଯାଇଛି । ଦେଶରେ ସକ୍ରିୟ କରୋନା ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ୭୫ ହଜାରକୁ ହ୍ରାସ ପାଇଛି ବୋଲି ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ସଚିବ ରାଜେଶ ଭୂଷଣ କହିଛନ୍ତି ଯେ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ନିୟମିତଭାବେ କମିଚାଲିଥିଲେ ମଧ୍ୟ ଦୁଇଟି ରାଜ୍ୟରେ ତାହା ଚିନ୍ତାଜନକଭାବେ ଅଧିକ ରହିଛି । ଏହି ଦୁଇଟି ରାଜ୍ୟ ହେଲେ କେରଳ ଓ ମହାରାଷ୍ଟ୍ର । କେରଳରେ ଏବେ ୭୨ହଜାର ସକ୍ରିୟ ଆକ୍ରାନ୍ତ ଓ ମହାରାଷ୍ଟ୍ରରେ ୪୦ ହଜାର ସକ୍ରିୟ ଆକ୍ରାନ୍ତ ଅଛନ୍ତି ।
୧ ନିୟୁତ ଡୋଜ୍ ଟିକାକରଣ ଲକ୍ଷ୍ୟକୁ ଭାରତ ମାତ୍ର ୬ ଦିନରେ ହାସଲ କରିଛି , ଯାହାକି ସମଗ୍ର ବିଶ୍ବରେ ସର୍ବନିମ୍ନ । ଆମେରିକା ଏହି ଲକ୍ଷ୍ୟକୁ ୧୦ ଦିନରେ, ସ୍ପେନ ୧୨ ଦିନରେ ଓ ଇସ୍ରାଏଲ ୧୪ ଦିନରେ ହାସଲ କରିଛି । ସେହିପରି ବ୍ରିଟେନ ୧୮ ଦିନରେ, ଇଟାଲୀ ୧୯ ଦିନରେ, ଜର୍ମାନି ୨୦ ଦିନରେ ଓ ୟୁଏଇ ୨୭ ଦିନରେ ଏହି ଲକ୍ଷ୍ୟ ହାସଲ କରିଛି ବୋଲି ସେ କହିଛନ୍ତି ।
ଉଲ୍ଲେଖନୀୟ ଯେ, ଭାରତରେ ଗତ ଜାନୁଆରି ୧୬ ତାରିଖରେ ପ୍ରଥମ ପର୍ଯ୍ୟାୟ କରୋନା ଟୀକାକରଣ ଆରମ୍ଭ ହୋଇଥିଲା ।