ଜୈସର ୨୫ ଜଣ ବରିଷ୍ଠ କମାଣ୍ଡର ନିହତ, ମୁଖ୍ୟ ଆତଙ୍କବାଦୀ ମାସୁଦ ଆଜାର ଏବେ ବି ଲୁଚିଛି
ନୂଆଦିଲ୍ଲୀ : ଭାରତୀୟ ବାୟୁସେନା ପକ୍ଷରୁ ଆଜି ପାକିସ୍ତାନରେ ଥିବା କେତେକ ଆତଙ୍କବାଦୀ କ୍ୟାମ୍ପ ଉପରେ ବିମାନ ଆକ୍ରମଣ କରାଯିବା ପରେ ପାକିସ୍ତାନରେ ହଇଚଇ ସୃଷ୍ଟି ହୋଇଛି । ପ୍ରଥମେ ପାକିସ୍ତାନର ସେନା ଏହି ଆକ୍ରମଣ ଯୋଗୁଁ କୌଣସି କ୍ଷୟକ୍ଷତି ହୋଇନଥିବା କହିଥିବାବେଳେ ଧୀରେ ଧୀରେ ତାହାର ପ୍ରକୃତ ଚିତ୍ର ସାମନାକୁ ଆସୁଛି । ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ସୁରକ୍ଷା ସଂପର୍କୀତ କ୍ୟାବିନେଟ କମିଟିକୁ ଦେଇଥିବା ତଥ୍ୟ ଅନୁସାରେ ଏହି ଆକ୍ରମଣରେ ଜୈସ-ଇ-ମୋହମ୍ମଦର ପ୍ରାୟ ୨୫ ଜଣ ବରିଷ୍ଠ କମାଣ୍ଡର ନିହତ ହୋଇଛନ୍ତି । ଏମାନଙ୍କୁ ମିଶାଇ ମୋଟ ପ୍ରାୟ ୨୫୦ରୁ ୩୦୦ ଆତଙ୍କବାଦୀ ନିହତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ଡୋଭାଲ କହିଛନ୍ତି ଯେ ଗୁଇନ୍ଦା ବିଭାଗ ତରଫରୁ ନିର୍ଦ୍ଦିଷ୍ଟଭାବେ ସୂଚନା ମିଳିବା ପରେ ବିଭିନ୍ନ ଟାର୍ଗେଟ ବଛା ଯାଇଥିଲା । ବାଲାକୋଟକୁ ବାଛିବାର କେତେକ ଗୁରୁତ୍ୱପୂର୍ଣ୍ଣ କାରଣ ଥିଲା । କାରଣ ଏହା ଥିଲା ଜୈସ-ଇ-ମୋହମ୍ମଦର ଏକ ମୁଖ୍ୟ କଣ୍ଟ୍ରୋଲ ରୁମ ଓ ବୃହତ୍ତମ ଟ୍ରେନିଂ କ୍ୟାମ୍ପ । ଏହାକୁ ଆତଙ୍କବାଦୀଙ୍କ ତାଲିମ କେନ୍ଦ୍ର ନ କହି ଏକ ସେନା ଛାଉଣୀ କହିଲେ ଠିକ ହେବ । ଏଠାରେ ଅନେକ ସଶସ୍ତ୍ର ଆତଙ୍କବାଦୀ ଥିଲେ, ଅନେକ ଗୋଳାବାରୁଦ ଥିଲା, ଏସି କଣ୍ଟ୍ରୋଲ ରୁମ ଏପରିକି ବଙ୍କର ମଧ୍ୟ ଥିଲା । ଫେବ୍ରୁଆରୀ ୧୪ ପରେ ବିଶ୍ୱ ଜନମତ ଚାପରେ ନଇଁ ଆଇଏସଆଇ ଏସବୁ ଆତଙ୍କି କମାଣ୍ଡର ମାନଙ୍କୁ ପାକ ଅଧିକୃତ କାଶ୍ମୀରରୁ ନେଇ ପାକିସ୍ତାନ ଭିତରେ ଥିବା ବାଲାକୋଟ କ୍ୟାମ୍ପରେ ରଖିଥିଲା । ଏହି କ୍ୟାମ୍ପ ଧ୍ୱଂସ ହେବା ପରେ ଜୈସର ଅଣ୍ଟା ଭାଙ୍ଗି ଯାଇଛି ।