ଭାରତରେ ପ୍ରବେଶ ପାଇଁ ସୀମାରେ ଛକିଛନ୍ତି ୨୫୦ ଆତଙ୍କବାଦୀ
ନୂଆଦିଲ୍ଲୀ: ଜମ୍ମୁ କାଶ୍ମୀରର ନିୟନ୍ତ୍ରଣ ରେଖା (ଏଲ୍ଓସି)ରେ ପାଖାପାଖି ୨୫୦ ଆତଙ୍କବାଦୀ ଭାରତରେ ପ୍ରବେଶ ପାଇଁ ଛକି ରହିଛନ୍ତି। ପାକ୍ ଅଧିକୃତ କାଶ୍ମୀରର ଆତଙ୍କବାଦୀ ଲଞ୍ଚପ୍ୟାଡରେ ଏହି ଆତଙ୍କବାଦୀମାନେ ଅଛନ୍ତି। ଏ ନେଇ ଗୁଇନ୍ଦା ରିପୋର୍ଟ ମିଳିବା ପରେ ଭାରତୀୟ ସେନା ପକ୍ଷରୁ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯାଇଛି। ଆତଙ୍କବାଦୀଙ୍କ ଅନୁପ୍ରବେଶ ସହିତ ଦେଶମଧ୍ୟରୁ ଡ୍ରଗ୍ସ ଚୋରାଚାଲାଣ ସେନା ପାଇଁ ମୁଣ୍ଡବିନ୍ଧାର କାରଣ ପାଲଟିଛି।
Sambad is now on WhatsApp
Join and get latest news updates delivered to you via WhatsApp
ନିକଟରେ ଜମ୍ମୁ-କାଶ୍ମୀରର ପୁଲିସ ମହାନିର୍ଦ୍ଦେଶକ ଦିଲବାଗ ସିଂହ କହିଥିଲେ, ସୀମାରେ ଡ୍ରଗ୍ସ ଚୋରାଚାଲାଣ ବୃଦ୍ଧି ପାଉଛି। କାଶ୍ମୀରରେ ଆତଙ୍କବାଦୀଙ୍କୁ ପାଣ୍ଠି ଯୋଗାଣ ପାଇଁ ପାକିସ୍ତାନ ଏହାକୁ ଏକ ପନ୍ଥାଭାବେ ଗ୍ରହଣ କରିଛି। ସୀମାରେ ଆତଙ୍କବାଦୀଙ୍କ ଅନୁପ୍ରବେଶ ଏବଂ ଡ୍ରଗ୍ସ ଓ ଅସ୍ତ୍ରଶସ୍ତ୍ର ଚୋରାଚାଲାଣ ଉପରେ କଡ଼ା ନଜର ରଖାଯାଇଛି ବୋଲି ସେନାର ଜଣେ ଅଧିକାରୀ କହିଛନ୍ତି।