/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2019/03/Modi-1.jpg)
କନ୍ୟାକୁମାରୀ (ତାମିଲନାଡ଼ୁ): ୨୬/୧୧ ମୁମ୍ବାଇ ଆକ୍ରମଣ ପରେ ଯେତେବେଳେ ସମସ୍ତ ଦେଶବାସୀ ଏହି ଘଟଣା ପାଇଁ ପାକିସ୍ତାନ ବିରୋଧରେ କାର୍ଯ୍ୟାନୁଷ୍ଠାନ ଚାହୁଁଥିଲେ. ସେତେବେଳେ ଭାରତୀୟ ସେନା ମଧ୍ୟ ପାକିସ୍ତାନ ଉପରେ ସର୍ଜିକାଲ ଷ୍ଟ୍ରାଇକ୍ କରିବାକୁ ଚାହିଁଥିଲା। ହେଲେ, ବିଡ଼ମ୍ବନା ସେତେବଳର କଂଗ୍ରେସ ନେତୃତ୍ତ୍ୱାଧୀନ ଉପା ସରକାର ଏଥିପାଇଁ ଭାରାତୀୟ ସେନାକୁ ଅନୁମତି ଦେଇ ନଥିଲା। ଫଳରେ ନିରୁପାୟ ହୋଇ ଭାରତୀୟ ସେନା ଏହି ଘଟଣାରେ ନିଜ ହାତ ବାନ୍ଧି ବସି ରହିବା ପାଇଁ ବାଧ୍ୟ ହୋଇଥିଲା; ବୋଲି ଆଜି କନ୍ୟାକୁମାରୀ ଠାରେ ଏକ ସାଧାରଣ ସଭାରେ ଅଭିଯୋଗ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
PM Narendra Modi at a rally in Kanyakumari: 26/11 happened, India expected action against terrorists but nothing happened. When Uri and Pulwama happened, you saw what our brave soldiers did. I salute those who are serving the nation. pic.twitter.com/qgRBevK9W1
— ANI (@ANI) March 1, 2019
ଏଥିସହ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଭାରତୀୟ ସେନା ଯେତେବେଳେ ଉରି ଓ ପୁଲଓ୍ଵାମା ଘଟଣାରେ ପାକିସ୍ତାନ ବିରୋଧରେ ସର୍ଜିକାଲ ଷ୍ଟ୍ରାଇକ୍ କରି ସଫଳତା ପାଇଛି ସେତେବେଳେ କଂଗ୍ରେସ ସମେତ କିଛି ବିରୋଧୀ ଦଳ ଏବେ ସେନାର ଏହି ସଫଳତାକୁ ସନ୍ଦେହ ଦୃଷ୍ଟିରେ ଦେଖି ପାକିସ୍ତାନ ସପକ୍ଷରେ ଓକିଲାତି କରିବା ଆରମ୍ଭ କରିଛନ୍ତି। ଭାରତୀୟ ପାକିସ୍ତାନ ବିରୋଧରେ କରିଥିବା ସର୍ଜିକାଲ ଷ୍ଟ୍ରାଇକ୍କୁ ବିଶ୍ୱର ସମସ୍ତ ରାଷ୍ଟ୍ର ସମର୍ଥନ ଦେଇଥିବା ବେଳେ ଆମ ଦେଶର ବିରୋଧୀ ଦଳ ନେତାମାନେ କିନ୍ତୁ ଭାରତୀୟ ସେନାକୁ ଏହାର ପ୍ରମାଣ ମାଗିଛନ୍ତି। ଏପରିସ୍ଥିତିରେ ଏହା ଠାରୁ ଆଉ ଅଧିକ ବିଡ଼ମ୍ବନାର ବିଷୟ କ’ଣ ଥାଇପାରେ ବୋଲି ପ୍ରଶ୍ନ କରିଛନ୍ତି ପ୍ରଧାନମନ୍ତ୍ରୀ ମୋଦି।
PM Modi: These are the same people whose statements are helping Pakistan & harming India. They are the same people whose statements are being happily quoted in Parliament of Pakistan & in the radio of Pakistan. I want to ask them- do you support our armed forces or suspect them? https://t.co/pZkquKNsdM
— ANI (@ANI) March 1, 2019
ଏଥିସହ ପ୍ରଧାନମନ୍ତ୍ରୀ ମୋଦି କହିଛନ୍ତି, ଆଜି ଯେତେବେଳେ ସମଗ୍ର ଦେଶ ଭାରତୀୟ ସେନା ପଛରେ ରହିଛି; ବିଶ୍ୱର ସମସ୍ତ ରାଷ୍ଟ୍ର ଯେତେବେଳେ ଭାରତର ଏହି କାର୍ଯ୍ୟାନୁଷ୍ଠାନକୁ ସମର୍ଥନ ଦେଇଛନ୍ତି ସେତେବେଳେ ଖୋଦ୍ ଭାରତର ବିରୋଧୀ ଦଳ ନେତାମାନେ ଭାରତୀୟ ସେନାକୁ ପ୍ରମାଣ ମାଗିବା ସହ ପାକିସ୍ତାନ ସପକ୍ଷରେ ଓକିଲାତି କରିବା ସେମାନଙ୍କ ଦେଶପ୍ରେମର ସ୍ୱରୂପକୁ ପଦାରେ ପକାଇ ଦେଇଛି। ଏମାନେ ଭାରତ ଅପେକ୍ଷା ପାକିସ୍ତାନର ପ୍ରିୟପାତ୍ର ହେବାକୁ ଅଧିକ ପସନ୍ଦ କରୁଛନ୍ତି। ସେଥିପାଇଁ ଏଇ ନେତାମାନଙ୍କର ବକ୍ତବ୍ୟକୁ ପାକିସ୍ତାନର ସଂସଦ ଠାରୁ ଆରମ୍ଭ ପାକିସ୍ତାନୀ ଗଣମାଧ୍ୟମରେ ଜୋରସୋରରେ ପ୍ରଚାର ଓ ପ୍ରସାର କରାଯାଉଛି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି।
/sambad/media/post_attachments/wp-content/uploads/2019/03/26-11-attack-300x169.jpg "publive-image")
PM Narendra Modi: A few parties, guided by Modi hatred have started hating India. No wonder, while the entire nation supports our armed forces, they suspect the armed forces. The world is supporting India’s fight against terror but a few parties suspect our fight against terror. pic.twitter.com/eTETjWro3u
— ANI (@ANI) March 1, 2019