ପୋଷ୍ୟ ସନ୍ତାନ ଗ୍ରହଣ ପାଇଁ ଅପେକ୍ଷା କରିଛନ୍ତି ୨୮,୬୬୩ ଆବେଦନକାରୀ
ନୂଆଦିଲ୍ଲୀ: ୨୮,୬୬୩ ଜଣ ଭାରତୀୟ ଆବେଦନକାରୀ ଦେଶରେ ଏକ ଶିଶୁକୁ ପୋଷ୍ୟ ସନ୍ତାନ ଗ୍ରହଣ କରିବାକୁ ଅପେକ୍ଷା କରି ରହିଛନ୍ତି ବୋଲି କେନ୍ଦ୍ର ମହିଳା ଏବଂ ଶିଶୁ ବିକାଶ ମନ୍ତ୍ରାଳୟ ଶୁକ୍ରବାର ଦିନ କହିଛି। ଏଥିସହ ମନ୍ତ୍ରାଳୟ ପକ୍ଷରୁ ସ୍ୱୀକାର କରାଯାଇଛି ଯେ ଦେଶରେ ପୋଷ୍ୟ ସନ୍ତାନ ଗ୍ରହଣ ସଂଖ୍ୟା ହ୍ରାସ ପାଉନାହିଁ।
Sambad is now on WhatsApp
Join and get latest news updates delivered to you via WhatsApp
ସଂସଦର ଲୋକସଭାରେ ଏକ ପ୍ରଶ୍ନର ଉତ୍ତରରେ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କହିଛନ୍ତି ଯେ ସଂପ୍ରତି ୧,୦୩୦ ବିଦେଶୀ ଆବେଦନକାରୀ (ଅଣ-ବାସିନ୍ଦା ଭାରତୀୟ ଏବଂ ବିଦେଶୀ ନାଗରିକଙ୍କ ସମେତ) ପୋଷ୍ୟ ସନ୍ତାନ ଗ୍ରହଣ ପାଇଁ କେନ୍ଦ୍ରୀୟ ପୋଷ୍ୟ ସମ୍ବଳ ପ୍ରାଧିକରଣରେ ପଞ୍ଜୀକୃତ କରିବା ସହ ପୋଷ୍ୟ ସନ୍ତାନ ଗ୍ରହଣ ପାଇଁ ଅପେକ୍ଷା କରି ରହିଛନ୍ତି। ସିଏଆରଏ ଅଧୀନରେ ପୋଷ୍ୟ ସନ୍ତାନ ଗ୍ରହଣ ହ୍ରାସ ପାଉଛି କି ବୋଲି ପଚରାଯିବାରୁ ମନ୍ତ୍ରୀ ଇରାନୀ ନା ବୋଲି ପ୍ରତିକ୍ରିୟା ଦେଇଛନ୍ତି।
୨୦୨୧-୨୨ରେ ଦେଶରେ ପ୍ରାୟ ୨,୯୯୧ ଟି ପୋଷ୍ୟ ସନ୍ତାନ ଗ୍ରହଣ ରେକର୍ଡ କରାଯାଇ ଥିବାବେଳେ ୪୧୪ ଟି ଆନ୍ତଃଦେଶ ପୋଷ୍ୟ ସନ୍ତାନ ଗ୍ରହଣ କରାଯାଇଥିଲା ବୋଲି ମନ୍ତ୍ରୀ କହିଛନ୍ତି। ଅନ୍ୟ ଏକ ପ୍ରଶ୍ନର ଉତ୍ତରରେ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ କହିଛନ୍ତି ଯେ ତଥ୍ୟ ଅନୁଯାୟୀ, ପ୍ରାୟ ୨୮,୬୬୩ ଭାରତୀୟ ଆବେଦନକାରୀ ଦେଶରେ ଏକ ଶିଶୁକୁ ପୋଷ୍ୟ ସନ୍ତାନ ଗ୍ରହଣ କରିବାକୁ ଏବେ ଅପେକ୍ଷା କରି ରହିଛନ୍ତି।