ବିହାର ନିର୍ବାଚନ ପୂର୍ବରୁ ଉପହାର, ନିର୍ମାଣ ହେବ ଦ୍ଵିତୀୟ ଏମ୍ସ

ପାଟନା: ବିଧାନସଭା ନିର୍ବାଚନ ଘୋଷଣା ହେବା ପୂର୍ବରୁ ବିହାରକୁ ଉପହାର ମିଳିବା ପ୍ରକ୍ରିୟା ଆରମ୍ଭ ହୋଇଯାଇଛି । ଆଜି ଦରଭଙ୍ଗାରେ ଏମ୍ସ(ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ) ପ୍ରତିଷ୍ଠା ନେଇ କ୍ୟାବିନେଟ ମଞ୍ଜୁରୀ ମିଳିଛି | ୧୨୬୪ କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବା ଦରଭଙ୍ଗା ଏମ୍ସ ର ନିର୍ମାଣ କାର୍ଯ୍ୟ ୪୮ ମାସ ମଧ୍ୟରେ ସମ୍ପୂର୍ଣ୍ଣ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି | ନିକଟରେ ଅର୍ଥ ମନ୍ତ୍ରଣାଳୟ ଏମ୍ସ ନିର୍ମାଣ ଖର୍ଚ୍ଚକୁ ଅନୁମୋଦନ କରିଥିଲା ​​|

ପ୍ରାଥମିକ ପର୍ଯ୍ୟାୟରେ ଦରଭଙ୍ଗା ଏମ୍ସ ୭୫୦ ଶଯ୍ୟା ବିଶିଷ୍ଟ ହେବ | ନିକଟରେ ଦରଭଙ୍ଗା ସାଂସଦ ଗୋପାଳ ଜୀ ଠାକୁର କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଅଶ୍ୱିନୀ କୁମାର ଚୌବେଙ୍କୁ ଏମ୍ସ ର ନିର୍ମାଣ କାର୍ଯ୍ୟର ସମୀକ୍ଷା କରିବାକୁ ଅନୁରୋଧ କରିଥିଲେ ।

କେନ୍ଦ୍ର ମନ୍ତ୍ରୀ ଅଶ୍ୱିନୀ ଚୋୖବେ କହିଛନ୍ତି ଯେ ଦରଭଙ୍ଗାରେ ଏମ୍ସ ପ୍ରତିଷ୍ଠା ହେବା ପରେ ଉତ୍ତର ବିହାରର ଲୋକମାନେ ଅନେକ ଲାଭ ପାଇବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଦେଶରେ ଉନ୍ନତ, ଆଧୁନିକ ତଥା ସୁଲଭ ସ୍ୱାସ୍ଥ୍ୟ ସୁବିଧା ଯୋଗାଇବାକୁ କେନ୍ଦ୍ର ସରକାର ପ୍ରତିବଦ୍ଧ। ଏହାକୁ ଦୃଷ୍ଟିରେ ରଖି ବିହାରରେ ପାଞ୍ଚଟି ସୁପର ସ୍ପେସିଆଲିଟି ହସ୍ପିଟାଲ ନିର୍ମାଣ କରାଯାଉଛି।

ସମ୍ବନ୍ଧିତ ଖବର

Comments are closed.