ମହାରାଷ୍ଟ୍ର :  ଆସିଲା ସିନ୍ଧେ ଗୋଷ୍ଠୀ ଶିବସେନାର ୨ୟ ତାଲିକା

ମୁମ୍ବାଇ: ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଦଳ ଶିବସେନା ଦ୍ୱିତୀୟ ପ୍ରାର୍ଥୀ ତାଲିକା ଘୋଷଣା କରିଛି। ଏହି ତାଲିକାରେ ସମୁଦାୟ ୨୦ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ଏହି ତାଲିକାରେ ଅନେକ ବଡ଼ ବଡ଼ ନେତାଙ୍କ ନାମ ରହିଛି। ୱାର୍ଲି ବିଧାନସଭା ଆସନରୁ ମିଲିନ୍ଦ ଦେଓରାଙ୍କୁ ପ୍ରାର୍ଥୀ କରାଯାଇଛି। ଏହି ଆସନରୁ ଶିବସେନା (ଉଦ୍ଧବ ଗୋଷ୍ଠୀ) ନେତା ଆଦିତ୍ୟ ଠାକରେ ଲଢୁଛନ୍ତି ।  

ମୁର୍ଜୀ ପଟେଲଙ୍କୁ ଅନ୍ଧେରୀ ଇଷ୍ଟରୁ ପ୍ରାର୍ଥୀ ଘୋଷଣା କରାଯାଇଛି। ରିସୋଦରୁ ଭବାନୀ ଗାୱଲିଙ୍କୁ ପ୍ରାର୍ଥୀ ଘୋଷଣା କରାଯାଇଛି। ପୁରନ୍ଦରରୁ ବିଜୟ ଶିବତାରେ ଓ କୁଡାଲରୁ ନୀଲେଶ ରାଣେଙ୍କୁ ପ୍ରାର୍ଥୀ କରାଯାଇଛି। କୁଡାଲରେ ରାଣେଙ୍କ ମୁକାବିଲା ଠାକରେ ଗୋଷ୍ଠୀ ବିଧାୟକ ବୈଭବ ନାଏକଙ୍କ ସହ ହେବ । ଡିଣ୍ଡୋରିରୁ ସଂଜୟ ନିରୁପମଙ୍କୁ ପ୍ରାର୍ଥୀ କରାଯାଇଛି ।

ସୂଚାନାଯୋଗ୍ୟ ଯେ, ମହାରାଷ୍ଟ୍ରରେ ମହାଯୁତି ମେଣ୍ଟ ଅଧିନରେ ଶିବସେନା (ଏକନାଥ), ବିଜେପି ଓ ଏନସିପି( ଅଜିତ) ଏକାଠି ନିର୍ବାଚନ ଲଢୁଛନ୍ତି । ଗତକାଲି ବିଜେପି ନିଜର ଦ୍ବିତୀୟ ପ୍ରାର୍ଥୀ ତାଲିକା ପ୍ରକାଶ କରିଥିଲା । ଏହି ତାଲିକାରେ ୨୧ଜଣଙ୍କ ନାମ ଥିଲା । ଏହାକୁ ମିଶାଇ ବିଜେପି ମୋଟ ୧୨୧ ଜଣ ପ୍ରାର୍ଥୀଙ୍କ ନାମ ଘୋଷଣା କରିସାରିଛି ।