କେଜ୍ରିଓ୍ବାଲଙ୍କୁ ଧକ୍କା ! ୩ ଆପ୍ ପାର୍ଷଦ ବିଜେପିରେ ଯୋଗଦେଲେ

ନୂଆଦିଲ୍ଲୀ: ଦିଲ୍ଲୀରେ ନିର୍ବାଚନ ହାରିବା ପରେ ଆମ୍ ଆଦମୀ ପାର୍ଟିକୁ ଆଉ ଏକ ବଡ଼ ଝଟକା ଲାଗିଛି। ଶନିବାର ଦଳର ୩ ଜଣ ପାର୍ଷଦ ବିଜେପିରେ ଯୋଗ ଦେଇଛନ୍ତି। ଏହା ଫଳରେ ଆଗାମୀ ମେୟର ନିର୍ବାଚନରେ ବିଜେପି ପାଇଁ ସ୍ଥିତି ସୁବିଧାଜନକ ହେବ ।

ଆପ୍ ଛାଡୁଥିବା ପାର୍ଷଦଙ୍କ ନାମ ଅନୀତା ବସୋୟା, ନିଖିଲ ଚାପରିଆ ଏବଂ ଧର୍ମବୀର। ଅନିତା ହେଉଛନ୍ତି ଆଣ୍ଡ୍ରୁଜ୍ ଗଞ୍ଜର ପାର୍ଷଦ, ନିଖିଲ ବଦରପୁରର ଏବଂ ଧର୍ମବୀର ଆରକେ ପୁରମର ପାର୍ଷଦ। ବିଜେପି ରାଜ୍ୟ ସଭାପତି ବୀରେନ୍ଦ୍ର ସଚଦେବ ଏହି ପାର୍ଷଦମାନଙ୍କୁ ଦଳରେ ସ୍ୱାଗତ କରିଥିଲେ। ଦିଲ୍ଲୀରେ ଆପର ପରାଜୟର ଏହା କିଛି ମାତ୍ରାରେ ପାର୍ଶ୍ୱ ପ୍ରତିକ୍ରିୟା ବୋଲି କୁହାଯାଉଛି।

ଆପ୍ ଛାଡୁଥିବା ପାର୍ଷଦଙ୍କ ନାମ ଅନୀତା ବସୋୟା, ନିଖିଲ ଚାପରିଆ ଏବଂ ଧର୍ମବୀର। ଅନିତା ହେଉଛନ୍ତି ଆଣ୍ଡ୍ରୁଜ୍ ଗଞ୍ଜର ପାର୍ଷଦ, ନିଖିଲ ବଦରପୁରର ଏବଂ ଧର୍ମବୀର ଆରକେ ପୁରମର ପାର୍ଷଦ।

ଏଭଳି ସ୍ଥିତିରେ ଦିଲ୍ଲୀରେ ବିଜେପିର ଟ୍ରିପଲ ଇଞ୍ଜିନ ସରକାର ଗଠନ ନିଶ୍ଚିତ ହୋଇଯାଇଛି । ଦିଲ୍ଲୀ ବିଧାନସଭା ପରେ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନରେ କ୍ଷମତା ପରିବର୍ତ୍ତନ ମଧ୍ୟ ନିଶ୍ଚିତ ବୋଲି ବିବେଚନା କରାଯାଉଛି । ମାର୍ଚ୍ଚ ଶେଷରେ ହେବାକୁ ଥିବା ମେୟର ନିର୍ବାଚନରେ ବିଜେପିକୁ ମେୟର ମିଳିବାର ସମ୍ଭାବନା ରହିଛି। ବର୍ତ୍ତମାନ ସୁଦ୍ଧା ଆମ୍ ଆଦମୀ ପାର୍ଟିର ଏକ ଡଜନ କାଉନସିଲର ବିଜେପିରେ ଯୋଗ ଦେଇଛନ୍ତି। ବିଧାନସଭା ପରେ ଦିଲ୍ଲୀ ମ୍ୟୁନିସିପାଲ କର୍ପୋରେସନରେ ମଧ୍ୟ ବିଜେପିର ସରକାର ହୋଇପାରେ ।