ଶ୍ରୀନଗର: ଟଳିଲେ ୩ଆତଙ୍କବାଦୀ। ସେନା ସହ ଗୁଳି ବିନିମୟ ବେଳେ ଲସ୍କର-ଏ-ତୈବାର ୩ଜଣ ଆତଙ୍କବାଦୀ ନିହତ ହୋଇଥିବା ଜଣାଯାଇଛି। ଶ୍ରୀନଗର ନିକଟସ୍ଥ ଦଚିଗାମ ଜଙ୍ଗଲର ଉପର ଭାଗରେ ଏହି ଗୁଳି ବିନିମୟ ଘଟିଥିବା ସାମ୍ନାକୁ ଆସିଛି। ଭାରତୀୟ ସେନା ଏବଂ ଜମ୍ମୁ ଓ କଶ୍ମୀର ପୁଲିସ ଦ୍ୱାରା ଏକ ବଡ଼ ଧରଣର ମିଳିତ ଅଭିଯାନର ଅଂଶ ଭାବରେ ଏହି ଏନକାଉଣ୍ଟର ଘଟିଥିଲା। 

Advertisment

ପ୍ରମୁଖ ଗୁଇନ୍ଦା ସୂତ୍ରରୁ ଜଣାପଡ଼ିଛି ଯେ, ନିହତ ତିନି ଜଣ ଆତଙ୍କବାଦୀ ପାକିସ୍ତାନସ୍ଥିତ ଆତଙ୍କବାଦୀ ସଂଗଠନ ଲସ୍କର-ଏ-ତୈବା ସହ ଜଡିତ ବିଦେଶୀ ନାଗରିକ ଥିଲେ। ଏହି ଏନକାଉଣ୍ଟର ଏକ ମାସ ଧରି ଚାଲିଥିବା ଗୁଇନ୍ଦା ଆଧାରିତ ଅପରେସନର ଫଳାଫଳ ଏବଂ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ସହିତ ଏହାର କୌଣସି ସମ୍ପର୍କ ନାହିଁ ବୋଲି ସ୍ପଷ୍ଟ କରାଯାଇଛି।

ଏତେ ବଡ଼ ସଫଳତା ପରେ ଅସ୍ତ୍ରଶସ୍ତ୍ର ଜବତ ଏବଂ ପରିଚୟ ନିଶ୍ଚିତ କରିବା ପାଇଁ ଜଙ୍ଗଲ ଘେରାଉ କରି କମ୍ବିଂ ଅପରେସନ୍ ଆରମ୍ଭ କରିଛି ସେନା।