ହାଇକୋର୍ଟର ୩ଜଣ ବିଚାରପତି ଏବଂ ୩୪ ନ୍ୟାୟିକ ଅଧିକାରୀ କରୋନାରେ ମୃତ୍ୟୁବରଣ କରିଛନ୍ତି: ପ୍ରଧାନ ବିଚାରପତି
ନୂଆଦିଲ୍ଲୀ: କରୋନା ଆକ୍ରାନ୍ତ ହୋଇ ମୃତ୍ୟୁବରଣ କରିଥିବା ନ୍ୟାୟିକ ଅଧିକାରୀମାନଙ୍କୁ ମନେ ପକାଇଛନ୍ତି ଭାରତର ପ୍ରଧାନ ବିଚାରପତି ଏନ.ଭି ରମଣା | ଗୁରୁବାର ଦିନ ଏକ ଭର୍ଚୁଆଲ୍ କାର୍ଯ୍ୟକ୍ରମ ସମୟରେ ଭାରତର ପ୍ରଧାନ ବିଚାରପତି ଏନ.ଭି ରମଣା କହିଛନ୍ତି ଯେ, କରୋନା ସହ ଲଢ଼ି ୩୪ଜଣ ନ୍ୟାୟିକ ଅଧିକାରୀ ଏବଂ ହାଇକୋର୍ଟର ୩ଜଣ ବିଚାରପତି ମୃତ୍ୟୁବରଣ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଉପଲବ୍ଧ ତଥ୍ୟ ଅନୁଯାୟୀ, ୨୭୬୮ ନ୍ୟାୟିକ ଅଧିକାରୀ ଏବଂ ହାଇକୋର୍ଟର ୧୦୬ ଜଣ ବିଚାରପତି ଏପର୍ଯ୍ୟନ୍ତ କରୋନା ଆକ୍ରାନ୍ତ ହୋଇଛନ୍ତି | ଏହା ସହ ୨ଟି ପ୍ରମୁଖ ହାଇକୋର୍ଟରୁ ଏପର୍ଯ୍ୟନ୍ତ ତଥ୍ୟ ଆସିନଥିବା ପ୍ରଧାନ ବିଚାରପତି ଏନ.ଭି ରମଣା କହିଛନ୍ତି |
ପ୍ରଧାନ ବିଚାରପତି ଏହା ମଧ୍ୟ କହିଛନ୍ତି ଯେ ପ୍ରାୟ ୮୦୦ ରେଜିଷ୍ଟ୍ରି କର୍ମଚାରୀ କରୋନା ଆକ୍ରାନ୍ତ ହୋଇଥିବା ବେଳେ ସେ ମଧ୍ୟରେ ସୁପ୍ରିମକୋର୍ଟର ୬ଜଣ ରେଜିଷ୍ଟ୍ରାର ଏବଂ ୧୦ଜଣ ଅତିରିକ୍ତ ରେଜିଷ୍ଟ୍ରାର ଅଛନ୍ତି | ଭର୍ଚୁଆଲ୍ ଶୁଣାଣିରେ ଯୋଗଦେବାକୁ ସାମ୍ବାଦିକମାନଙ୍କ ପାଇଁ ଏକ ମୋବାଇଲ୍ ସୁବିଧା ଆରମ୍ଭ କରିବା ପାଇଁ ଆୟୋଜିତ ଏକ ଭର୍ଚୁଆଲ୍ କାର୍ଯ୍ୟକ୍ରମ ସମୟରେ ପ୍ରଧାନ ବିଚାରପତି ଏହି ମନ୍ତବ୍ୟ ଦେଇଛନ୍ତି।