ଆମେରିକାରେ କରୋନାର ସାଂଘାତିକ ରୂପ, ଗୋଟିଏ ଦିନରେ ୩୨୫୩ ଆକ୍ରାନ୍ତ ମୃତ
ଓ୍ଵାସିଂଟନ : ଆମେରିକାରେ କରୋନା ମହାମାରୀର ପ୍ରକୋପ ଦିନକୁ ଦିନ ସାଂଘାତିକ ହେବାରେ ଲାଗିଛି । ଗତ ବୁଧବାରଦିନ ଆମେରିକାରେ ଦୈନିକ କରୋନା ଜନିତ ମୃତ୍ୟୁସଂଖ୍ୟା ପ୍ରଥମ ଥର ପାଇଁ ୩ ହଜାର ଟପିଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆମେରିକା ସରକାରଙ୍କ ପକ୍ଷରୁ ମିଳିଥିବା ତଥ୍ୟ ଅନୁସାରେ ବୁଧବାର ଦିନ ଆମେରିକାରେ ମୋଟ ୩୨୫୩ ଜଣ କରୋନା ଆକ୍ରାନ୍ତ ମୃତ୍ୟୁବରଣ କରିଛନ୍ତି । ଏହି ଦୈନିକ ମୃତ୍ୟୁସଂଖ୍ୟା ଆମେରିକାରେ ହୋଇଥିବା ପର୍ଲ ହାର୍ବର ଆକ୍ରମଣ ଓ ୯-୧୧ ଆକ୍ରମଣ ରେ ହୋଇଥିବା ମୃତ୍ୟୁସଂଖ୍ୟାଠାରୁ ଅଧିକ । ଏହା ସହିତ ଆମେରିକାରେ କରୋନା ଜନିତ ମୋଟ ମୃତ୍ୟୁସଂଖ୍ୟା ୨୮୯୭୪୦ ରେ ପହଞ୍ଚିଛି ।
ଦିନକୁ ଦିନ କରୋନା ମହାମାରୀର ପ୍ରକୋପ ବଢୁଥିବାରୁ ଆମେରିକାରେ ଆସନ୍ତା କ୍ରିସମାସ (ବଡ଼ଦିନ) ପର୍ବ ପାଳନକୁ ରଦ୍ଦ କରିବାକୁ ସ୍ୱାସ୍ଥ୍ୟ ବିଶେଷଜ୍ଞମାନେ ଆହ୍ଵାନ ଜଣାଇଛନ୍ତି ।
ଆମେରିକାର ଭାବି ରାଷ୍ଟ୍ରପତି ଜୋ ବାଇଡେନଙ୍କ କୋଭିଡ ପରାମର୍ଶଦାତା ଡ. ମାଇକେଲ ଓଷ୍ଟରହୋମ କହିଛନ୍ତି ଯେ ଦେଶରେ ଏବେ ଖ୍ରୀଷ୍ଟମାସ ଉତ୍ସବ ପାଳନ କରିବା ସୁରକ୍ଷିତ ନୁହେଁ ।