କରୋନା ଆକ୍ରାନ୍ତ ହେଲେ ମ୍ୟାକ୍ସ ହସ୍ପିଟାଲର ୩୩ଜଣ କର୍ମଚାରୀ, ୧୮,୦୦୦ କର୍ମଚାରୀଙ୍କର ହେବ କୋଭିଡ-୧୯ ପରୀକ୍ଷା
ନୂଆଦିଲ୍ଲୀ: ଗତ ଦୁଇ ସପ୍ତାହ ମଧ୍ୟରେ ଦୁଇ ଡାକ୍ତର, ନର୍ସ ଏବଂ ପାରାମେଡିକ୍ କର୍ମଚାରୀଙ୍କ ସମେତ ପୂର୍ବ ଦିଲ୍ଲୀର ଏକ ଅଗ୍ରଣୀ ଘରୋଇ ହସ୍ପିଟାଲର ୩୩ଜଣ କର୍ମଚାରୀ କରୋନାଭାଇରସ୍ ପାଇଁ ପଜିଟିଭ୍ ପରୀକ୍ଷା କରିଛନ୍ତି ବୋଲି ସୋମବାର ସୂଚନା ମିଳିଛି। ମ୍ୟାକ୍ସ ହେଲଥ କେୟାର ଗ୍ରୁପ୍ ଦୁଇ ସପ୍ତାହ ପୂର୍ବରୁ ଘୋଷଣା କରିଥିଲା ଯେ, ଦେଶରେ ଥିବା ନିଜର ସମସ୍ତ କର୍ମଚାରୀ ଏବଂ ରୋଗୀମାନଙ୍କ ଉପରେ କୋଭିଡ-୧୯ ପାଇଁ ପରୀକ୍ଷା କରିବାକୁ ଯାଉଛି।
ଏକ ସୂତ୍ରରୁ ପ୍ରକାଶ ଯେ, ପରୀକ୍ଷା ଆରମ୍ଭ ହେବା ପରଠାରୁ ପାଟପରଗଞ୍ଜରେ ଥିବା ମ୍ୟାକ୍ସ ହସ୍ପିଟାଲର ଦୁଇ ଡାକ୍ତର, ନର୍ସ, ପାରାମେଡିକ୍ ଏବଂ ଅଣ ମେଡିକାଲ୍ କର୍ମଚାରୀଙ୍କ ସମେତ ୩୩ଜଣ କର୍ମଚାରୀ କୋଭିଡ-୧୯ ଦ୍ୱାରା ଆକ୍ରାନ୍ତ ହୋଇଛନ୍ତି | ସମସ୍ତ ପ୍ରଭାବିତ ଲୋକଙ୍କୁ ଦକ୍ଷିଣ ଦିଲ୍ଲୀର ସାକେତରେ ଥିବା ମ୍ୟାକ୍ସ ହସ୍ପିଟାଲର ପୂର୍ବ ବ୍ଲକର ସଙ୍ଗରୋଧ କେନ୍ଦ୍ରକୁ ସ୍ଥାନାନ୍ତର କରାଯାଇଛି। ହସ୍ପିଟାଲର ପୂର୍ବ ବ୍ଲକ କୋଭିଡ-୧୯ ରୋଗୀଙ୍କ ପାଇଁ ଉତ୍ସର୍ଗ କରାଯାଇଥିବା ଜଣା ପଡିଛି |
ମ୍ୟାକ୍ସ ହେଲଥ କେୟାରର ୧୮,୦୦୦ କର୍ମଚାରୀ, ବିଏଲକେ ହସ୍ପିଟାଲର ୩,୦୦୦ କର୍ମଚାରୀ ଏବଂ ମୁମ୍ବାଇସ୍ଥିତ ନାନାବତୀ ହସପିଟାଲର ୩,୦୦୦ ସ୍ୱାସ୍ଥ୍ୟ କର୍ମଚାରୀମାନେ ଆସନ୍ତା କିଛି ସପ୍ତାହ ମଧ୍ୟରେ କୋଭିଡ-୧୯ ପାଇଁ ନିଜର ପରୀକ୍ଷା କରିବେ ବୋଲି ମ୍ୟାକ୍ସ ହେଲଥ କେୟାରର ଅଧିକାରୀମାନେ ପୂର୍ବରୁ କହିଥିଲେ। ପୂର୍ବରୁ କରୋନାଭାଇରସ୍ ପାଇଁ ପଜିଟିଭ୍ ପରୀକ୍ଷା କରିଥିବା ମ୍ୟାକ୍ସ ହସ୍ପିଟାଲର ଡାକ୍ତର, ନର୍ସ ଏବଂ ଜଣେ ଅଣ ମେଡିକାଲ୍ କର୍ମଚାରୀଙ୍କ ପରେ ଏହି ପଦକ୍ଷେପ ନିଆଯାଇଥିଲା।
