ନୂଆଦିଲ୍ଲୀ : ଭାରତରେ ୨୦୨୨-୨୩ ଆର୍ଥିକ ବର୍ଷରେ ଦିନକୁ ହାରାହାରି ୩,୭୨,୮୪୦ ଜଣ ଯାତ୍ରୀ ବିମାନରେ ଯାତ୍ରା କରିଛନ୍ତି। ୨୦୨୧-୨୨ ଆର୍ଥିକ ବର୍ଷ ତୁଳନାରେ ଏଥିରେ ୫୯.୮୧ ପ୍ରତିଶତ ବୃଦ୍ଧି ଘଟିଛି ବୋଲି ଏକ ତଥ୍ୟରୁ ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହାସତ୍ତ୍ବେ ଦେଶ ଭିତରେ ବିମାନରେ ଯାତ୍ରା କରୁଥିବା ଦୈନିକ ଯାତ୍ରୀଙ୍କ ସଂଖ୍ୟା କରୋନା ପୂର୍ବ (୨୦୧୮-୧୯)ର ସର୍ବୋଚ୍ଚ ସ୍ତର ତୁଳନାରେ ୩.୬୫ ପ୍ରତିଶତ କମ୍ ରହିଛି। ମହାମାରୀ ପାଇଁ ୨୦୨୧-୨୨ ଏବଂ ୨୦୨୨-୨୩ରେ ଦେଶ ଭିତରେ ବିମାନ ଯାତ୍ରା ସାଂଘାତିକ ଭାବେ ପ୍ରଭାବିତ ହୋଇଥିଲା। ଲକଡାଉନ କାରଣରୁ ବିମାନ ଚଳାଚଳ ଦୀର୍ଘଦିନ ଧରି ବନ୍ଦ ରହିଥିଲା। ଏଥିସହିତ ବିମାନ କମ୍ପାନିଗୁଡ଼ିକ ମଧ୍ୟ ଅନେକ ସମସ୍ୟା ଦେଇ ଗତି କରିଥିଲେ।
୨୦୨୨-୨୩ରେ ଫେବ୍ରୁଆରିରେ ଦୈନିକ ହାରାହାରି ବିମାନ ଯାତ୍ରୀଙ୍କ ସଂଖ୍ୟା ସର୍ବାଧିକ ଅର୍ଥାତ୍ ୪,୩୧,୦୩୫ ରହିଥିଲା। ମାର୍ଚ୍ଚ ମାସରେ ଏହା ୪,୧୯,୩୮୮କୁ ହ୍ରାସ ପାଇଥିଲା।