ଇମ୍ଫାଲ: ମଣିପୁରରେ ଅଣ-ଆଦିବାସୀଙ୍କ ଆଦିବାସୀ ମାନ୍ୟତା ଦାବି ବିରୋଧରେ ହିଂସାକୁ ନେଇ ଅଣାୟତ୍ତ ସ୍ଥିତି ଉପୁଜିଛି। ବିଭିନ୍ନ ଅଞ୍ଚଳରେ ହିଂସା ଥମିଥିଲେ ମଧ୍ୟ ଉତ୍ତେଜନା ଲାଗି ରହିଛି। ଭାରତୀୟ ସେନା ଓ ଆସାମ ରାଇଫଲ୍ସ ଯବାନଙ୍କୁ ଶାନ୍ତିରକ୍ଷା କାର୍ଯ୍ୟରେ ନିୟୋଜିତ କରାଯାଇଛି। ଆଉ ଏହି ଅଣାୟତ୍ତ ସ୍ଥିତି ମଧ୍ୟରେ ଆସାମ ରାଇଫଲ୍ସର ଡାକ୍ତରଙ୍କ ଦ୍ୱାରା ଇମ୍ଫାଲର ମନ୍ତ୍ରୀପୁଖରୀ ଶିବିରରେ ଜଣେ ୩୮ ବର୍ଷ ବୟସ୍କା ମହିଳା ଏଷ୍ଟର ହୋଣ୍ଟା ଏକ ସୁସ୍ଥ ଶିଶୁପୁତ୍ରକୁ ଜନ୍ମ ଦେଇଛନ୍ତି। ଜାରି ହିଂସା ସମୟରେ ମଣିପୁରରେ ଆସାମ ରାଇଫଲ୍ସ ଦ୍ୱାରା ମହିଳାଙ୍କୁ ଉଦ୍ଧାର କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
Manipur | Esther Hontah, a 38-year-old woman delivered a healthy baby at the Mantripukhri camp, Imphal by Assam Rifles doctors. Early the lady was evacuated by Assam Rifles in Manipur during the ongoing violence: PRO, Kohima & Imphal, Ministry of Defence (07.05) pic.twitter.com/awGH06ss7v
— ANI (@ANI) May 7, 2023
ସୂଚନା ଅନୁଯାୟୀ, ଏଷ୍ଟରଙ୍କୁ ଆସାମ ରାଇଫଲ୍ସ ଦ୍ୱାରା ଉଦ୍ଧାର କରାଯାଇଥିଲା ଏବଂ ତାଙ୍କୁ ମନ୍ତ୍ରୀପୁଖରୀ ଆଇଜିଏଆର (ଦକ୍ଷିଣ) ଶିବିରକୁ ନିଆଯାଇଥିଲା । ଉଦ୍ଧାର ପରେ ଶିବିରରେ ଚିକିତ୍ସକଙ୍କ ଏକ ଟିମ୍ ଶିଶୁକୁ ସି-ବିଭାଗ ମାଧ୍ୟମରେ ସଫଳତାର ସହ ପ୍ରସବ କରାଇଥିଲେ। ପ୍ରସବ ପରେ ଉଭୟ ମା ଓ ଶିଶୁ ସୁସ୍ଥ ଥିବା ସୂଚନା ରହିଛି । ମନ୍ତ୍ରୀପୁଖରୀ ଶିବିରରେ ବର୍ତମାନ ପ୍ରାୟ ତିନି ହଜାର ଶରଣାର୍ଥୀ ଅଛନ୍ତି। ଆତଙ୍କର ବାତାବରଣ ମଧ୍ୟରେ ଆସିଥିବା ଏହି ଆନନ୍ଦଦାୟକ ଖବର ସଂପର୍କରେ ଟୁଇଟ୍ କରି ସୂଚନା ଦେଇଛି ପ୍ରତିରକ୍ଷା ମନ୍ତ୍ରାଳୟ।