‘କୋଭିଡ୍-୧୯ରେ ପ୍ରାଣ ହରାଇଛନ୍ତି ୩୮୨ ଡାକ୍ତର’: ସଂସଦରେ ସ୍ୱାସ୍ଥ୍ୟସେବା କର୍ମଚାରୀଙ୍କ ମୃତ୍ୟୁ ବିଷୟରେ ଉଲ୍ଲେଖ ନକରିବାରୁ ତୀବ୍ର ପ୍ରତିକ୍ରିୟା ପ୍ରକାଶ କଲା ଆଇଏମଏ
ନୂଆଦିଲ୍ଲୀ: ସଂସଦରେ କରୋନାଭାଇରସ୍ ଉପରେ ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ ଦେଇଥିବା ବିବୃତ୍ତି ଉପରେ ଭାରତୀୟ ମେଡିକାଲ୍ ଆସୋସିଏସନ୍ (ଆଇଏମ୍ଏ) ଦୃଢ଼ ଆପତ୍ତି ଉଠାଇଛି। ସ୍ୱାସ୍ଥ୍ୟ ମନ୍ତ୍ରୀ ସଂସଦରେ ଦେଇଥିବା ବିବୃତ୍ତିରେ କୋଭିଡ୍-୧୯ ହେତୁ ପ୍ରାଣ ହରାଇଥିବା ଡାକ୍ତର ଓ ସ୍ୱାସ୍ଥ୍ୟ କର୍ମଚାରୀଙ୍କ ବିଷୟରେ କିଛି ହେଲେ ଉଲ୍ଲେଖ ନ କରିବା ଘଟଣାର ଘୋର ବିରୋଧ କରିଛି ଆଇଏମ୍ଏ। ଏବଂ ତୀବ୍ର ପ୍ରତିକ୍ରିୟା ପ୍ରକାଶ କରି ଆଇଏମଏ ପକ୍ଷରୁ କୋଭିଡ୍-୧୯ରେ ମୃତ୍ୟୁବରଣ କରିଥିବା ୩୮୨ ଡାକ୍ତରଙ୍କ ତାଲିକା ପ୍ରକାଶ କରାଯାଇଛି। ଏବଂ ସେମାନଙ୍କୁ ‘ସହିଦ’ ଭାବରେ ଘୋଷଣା କରିବାକୁ ଦାବି କରିଛି ଆଇଏମ୍ଏ।
Sambad is now on WhatsApp
Join and get latest news updates delivered to you via WhatsApp
ଆଇଏମଏ (ଇଣ୍ଡିଆନ ମେଡିକାଲ ଆସୋସିଏସନ) ପକ୍ଷରୁ ପ୍ରକାଶିତ ଏକ ବିବୃତିରେ କୁହାଯାଇଛି ଯେ ତଥ୍ୟ ଅନୁଯାୟୀ କୋଭିଡ୍-୧୯ ରୋଗୀଙ୍କ ଚିକିତ୍ସା କାଳରେ ୨,୨୩୮ ଜଣ ଡାକ୍ତର ଏହି ରୋଗରେ ସଂକ୍ରମିତ ହୋଇଥିଲେ ଏବଂ ସେମାନଙ୍କ ମଧ୍ୟରୁ ୩୮୨ ଜଣ ପ୍ରାଣ ହରାଇଥିଲେ। ଏହା ସତ୍ତ୍ୱେ ସଂସଦରେ ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ ଦେଇଥିବା ବିବୃତିରେ ଏ ସଂପର୍କରେ କୌଣସି ଉଲ୍ଲେଖ ନରହିବା ପରିତାପର ବିଷୟ।
ଏହି ପରିପ୍ରେକ୍ଷୀରେ କୋଭିଡ୍-୧୯ରେ ମୃତ୍ୟୁବରଣ କରିଥିବା ୩୮୨ ଡାକ୍ତରଙ୍କ ତାଲିକା ପ୍ରକାଶ କରିବା ସହ ସେମାନଙ୍କୁ ‘ସହିଦ’ ଭାବରେ ଘୋଷଣା କରିବାକୁ ସରକାରଙ୍କ ନିକଟରେ ଦାବି କରିଛି ଆଇଏମ୍ଏ।