କୂଅ ଭିତରକୁ କାର ଖସି ଗୋଟିଏ ପରିବାରର ୪ ମୃତ
ହାଇଦ୍ରାବାଦ: ତେଲେଙ୍ଗାନା ରାଜ୍ୟର ମହାବୁବାବାଦ ଜିଲ୍ଲାର କେଶମୁଦରମ ଅଞ୍ଚଳରେ ଶୁକ୍ରବାର ବିଳମ୍ବିତ ରାତିରେ ଏକ କୂଅ ଭିତରକୁ କାର ଖସି ଗୋଟିଏ ପରିବାରର ୪ ଜଣଙ୍କ ମୃତ୍ୟୁ ହୋଇଛି। ପୁଲିସ ସୂତ୍ରରୁ ପ୍ରକାଶ ଯେ, ଉକ୍ତ କାରରେ ୭ଜଣ ଲୋକ ଯାଉଥିଲେ।
Sambad is now on WhatsApp
Join and get latest news updates delivered to you via WhatsApp
କେଶମୁଦରମ ବାଇପାସ ରାସ୍ତାରେ କାରଟି ଦ୍ରୁତ ଗତିରେ ଯାଉଥିବାବେଳେ ରାସ୍ତା କଡେ ଥିବା ଏକ ଖୋଲା କୁଅରେ ପସିଯାଇ ଓଲଟି ପଡିଥିଲା। ଘଟଣାସ୍ଥଳରେ ୨ ପୁରୁଷ ଓ ୨ ମହିଳାଙ୍କ ମୃତ୍ୟୁ ହୋଇଛି। ମୃତକମାନେ ହେଲେ ବାନୋଥ ଭାଦ୍ରୁନାୟକ, ବାନୋଥ ଆଚ୍ଛାମା, ଲଲିଥା ଓ ସୁରେଶ। ସମସ୍ତେ ପଡୋଶୀ ଭଦ୍ରାଦ୍ରି କୋଠାଗୁଡେମ ନିକଟ ଟେକୁଲାପାଲ୍ଲୀର ବୋଲି ପୁଲିସ ଚିହ୍ନଟ କରିଛି। ଆଉ ୩ଜଣ ଗୁରୁତର ହୋଇଛନ୍ତି। ଗୁରୁତରମାନଙ୍କୁ ପୁଲିସ ସ୍ଥାନୀୟ ଲୋକଙ୍କ ସହାୟତାରେ ମହାବୁବାବାଦ ଆଞ୍ଚଳିକ ହସ୍ପିଟାଲରେ ଭର୍ତ୍ତି କରିଛି।